18 मई : जानीं कि खास कारण से ई दिन इतिहास में काहे दर्ज बा

18 मई के दिन इतिहास में अतना महत्वपूर्ण घटना के संगे दर्ज बा, जवना के चलते भारत के दुनिया के परमाणु समृद्ध देश के कतार में शामिल कइल गइल।

रोज-रोज एह दुनिया में कुछ ना कुछ नीमन-बाउर होखत रहेला। एहमें से कुछ घटना समय के साथे भुला जाला आ कुछ महत्वपूर्ण घटना इतिहास में आपन नाम दर्ज करावल जाला । 1974 के 18 मई के दिन इतिहास में एगो महत्वपूर्ण घटना के साथ दर्ज बा जवना से भारत के दुनिया के परमाणु समृद्ध देशन के कतार में शामिल कइल गइल| आज के दिन भारत राजस्थान के पोखरण में आपन पहिला भूमिगत परमाणु परीक्षण कइलस।

एह परीक्षण के नाम ‘स्माइलिंग बुद्ध’ राखल गइल । ई पहिला बेर भइल जब संयुक्त राष्ट्र सुरक्षा परिषद के पांच गो स्थायी सदस्य देशन के अलावा कवनो देश में परमाणु परीक्षण करे के हिम्मत भइल । एह परीक्षण के प्रस्ताव साल 1972 में लिखल गइल रहे जब तत्कालीन प्रधानमंत्री इंदिरा गांधी भाभा परमाणु अनुसंधान केंद्र बीएआरसी के दौरा कइली आ ओहिजा के वैज्ञानिकन से बात कइला का बाद ओह लोग के परमाणु परीक्षण खातिर संयंत्र बनावे के अनुमति मिल गइल ।

देश आ दुनिया के इतिहास में 18 मई के तारीख के दर्ज अउरी महत्वपूर्ण घटना के क्रमिक विवरण निम्नलिखित बा...

 1912 : पहिला भारतीय फीचर लंबाई के फिल्म श्री पुंडलिक रिलीज भइल।

1933 : पूर्व प्रधानमंत्री एचडी देवे गौड़ा के जन्मदिन।

 1974.. भारत राजस्थान के पोखरान में आपन पहिला भूमिगत परमाणु बम के परीक्षण क के परमाणु संचालित देशन के कतार में शामिल भइल ।

 1991 : चॉकलेट कंपनी में रसायनज्ञ के काम करे वाली 27 साल के हेलेन ब्रिटेन के पहिला अंतरिक्ष यात्री के रूप में सोवियत सोयुज अंतरिक्ष यान में उड़ान भरली। एगो पहेली के जवाब देला के बाद उनका के इ मौका दिहल गइल।

 2009.. श्रीलंका सरकार तमिल विद्रोहियन का साथे 25 साल के लड़ाई खतम करे के एलान कइलस । सेना देश के उत्तरी हिस्सा प कब्जा क लिहलस आ लिट्टे प्रमुख वेलुपिल्लई प्रभाकरण के हत्या क देलस।

 1994.. गाजा पट्टी इलाका से आखिरी इजरायली सैनिकन के वापसी का बाद एह इलाका में फिलिस्तीनी स्वायत्त शासन पूरा तरह से लागू हो गइल ।

 2004.. इजरायल के राफाह विस्थापित शिविर में इजरायली सैनिक 19 गो फिलिस्तीनी लोग के हत्या कर दिहले ।