दया नायक के मिलल सूचना पs 4 बांग्लादेशी गिरफ्तार, पुलिस राष्ट्रगीत सुनावे के कहलस तs पकड़ल गइल
महाराष्ट्र के राजधानी मुंबई के जुहू इलाका में क्राइम ब्रांच के यूनिट 9, 4 बांग्लादेशी नागरिक के गिरफ्तार कs लेले बा। मुठभेड़ विशेषज्ञ दया नायक के गुप्त स्रोत से मिलल जानकारी के आधार पs इs कार्रवाई कईल गईल। खबर के मुताबिक गिरफ्तार चार आरोपी में एगो महिला अवुरी 3 पुरुष शामिल बाड़े। मुंबई पुलिस के क्राइम ब्रांच के जानकारी मिलल रहे कि कुछ बांग्लादेशी नागरिक जुहू इलाका में आवत बाड़े।एs जानकारी के आधार पss क्राइम ब्रांच के टीम योजना बनवलस अवुरी तुरंत कार्रवाई शुरू कs देलस।
जुहू क्षेत्र में पकड़ल गइल बांग्लादेशी
बुध के दिने पुलिस जुहू इलाका के घेराबंदी कs के जाल बिछा के बांग्लादेशी नागरिकन के गिरफ्तार कs लिहलस. जरुरी सभ प्रोटोकॉल के पालन करत पुलिस ओकरा से पूछताछ करे लागल। एs दौरान आरोपी भारत के नागरिक होखे के दावा कईले। हालांकि उनुका नागरिकता के दावा पs पुलिस अवुरी उs सभके राष्ट्रगान गावे के कहले। जब आरोपी राष्ट्रगान ना गा पवले तs पुलिस ओ लोग से आपन पहचान पत्र देखावे के कहलस। पूछताछ अवुरी जांच के दौरान साफ हो गईल कि चारो के लगे कवनो भारतीय दस्तावेज नईखे, जवना के बाद भारतीय न्याय संहिता के तहत मामला दर्ज भईल।
चारो बांग्लादेशी के पहचान भइल
पुलिस के ओर से गिरफ्तार चार बांग्लादेशी के पहचान हो गईल बा। पुलिस के मुताबिक, एs लोग के पहचान पॉपी टीटू हुसैन (30 वर्ष, महिला), मोहम्मद टैटू सोफीउद्दीन हुसैन (25 वर्ष), नूर इस्लाम मकबूल (55 वर्ष), अवुरी फैसल बिकु मुल्ला शेख (31 वर्ष) के रूप में भईल बा। एह चारो लोग के खिलाफ जुहू थाना में मुकदमा दर्ज करावल गइल बा आ आगे के छानबीन जारी बा. पुलिस के कहना बा कि ई गिरफ्तारी बांग्लादेशी नागरिकन के खिलाफ एगो बड़हन अभियान के हिस्सा हs जवना के तहत मुंबई आ दोसरा जगहा गैरकानूनी तरीका से रहे वालन पs कड़ा नजर राखल जा रहल बा.
इहो पढ़ीं: सबेरे-सबेरे: पाचन क्रिया होई दुरुस्त, करीं दूर इs तीन गो yoga
