एs राज्य के राजधानी में 31 अगस्त ले बंद कइल गइल 76 सरकारी स्कूल, जिलाधिकारी बतवले ई वजह

आजुकाल्हु देश के कई राज्यन में भारी बरखा देखल जा रहल बा. एकरा तहत बिहार में भी कई जगहा बरखा जारी बा। बरखा के चलते बहुत नदी के पानी के स्तर बढ़ल बा, जवना के देखत विभाग नदी के किनारे रहेवाला लोग से सतर्क रहे के निहोरा कईले बा। साथ ही आजुकाल्हु गंगा के जलस्तर भी बढ़ल बा। एकरा के देखत पटना प्रशासन लोग के सतर्क रहे के सलाह देले बा। एकरा अलावे बच्चा के हित में एगो बड़ फैसला भी लिहल गईल बा।

76 गो सरकारी स्कूल बंद रहीहें

पटना जिला प्रशासन मंगल के दिने एगो सर्कुलर जारी कs के कहलस कि गंगा के जलस्तर खतरा के निशान पार कs गइला के चलते जिला के ग्रामीण इलाका के 76 गो सरकारी स्कूल 31 अगस्त ले बंद रही. आगे बतावल जाता कि बच्चा अवुरी शिक्षक के सुरक्षा खातीर इs फैसला लिहल गईल बा। सर्कुलर के मुताबिक पटना के जिला मजिस्ट्रेट चंद्रशेखर सिंह कहले कि गंगा नदी के पानी के स्तर लगातार बढ़ता.

बिहार सरकार हाल ही में जिला मजिस्ट्रेट के अधिकार देले रहे कि जदी आपन-आपन क्षेत्र में बाढ़ जईसन स्थिति पैदा हो गईल तs स्कूल बंद करे के फैसला लेवे के पड़ी। इs आदेश पटना के नजदीक एगो सरकारी स्कूल के शिक्षक गंगा नदी में गिर के तेज धार से बह जाए के घटना के तुरंत बाद आईल बा। बता दीं कि नसीरगंज घाट पs नाव पs चढ़त घरी एगो शिक्षक गंगा नदी में बह गइल.

पटना जिला प्रशासन के ओर से जारी बयान के मुताबिक, "अतवार के सबेरे 8 बजे ले पटना के गांधी घाट पs गंगा नदी खतरा के निशान से ऊपर बहत बिया।ओसही हाथीदह अवुरी श्रीपालपुर में भी गंगा नदी खतरा के निशान से ऊपर बहत बिया।"