यूपी में भूसा के जइसन सड़क आ खेत में मिलल नोट, पुलिस अधिकारी रहस्य में उलझले
हरदोई : जिला में सड़क अवुरी खेत में भारी मात्रा में कटल-फटल नोट मिले के मामला सोझा आईल बा। नोट के देख के लागत बा कि मशीन से काट के फेरु फेंक दिहल गइल होखे. मामला कासिमपुर थाना क्षेत्र के गौसगंज कस्बा के कछौना लिंक रोड के हs। भारी मात्रा में भारतीय मुद्रा के कतरन के खोज के चलते इलाका में हलचल मच गईल बा। मुद्रा के नोट के एतना कतरन रहे कि हर जगह ढेर हो गईल रहे। जब स्थानीय लोग के एs बारे में जानकारी मिलल तs मौका पs भीड़ जुटे लागल। एतना बड़ मात्रा में मुद्रा के नोट के कटल-फटल देखला के बाद बहुत सवाल उठता।
मशीन से नोट काटला के डर
बता दीं कि कासिमपुर थाना के गौसगंज इलाका के कछौना लिंक रोड पs श्याम सिंह आ राजेन्द्र सूबेदार के खेत के लगे सड़क के किनारा में मुद्रा के नोट के महीन कतरन के भारी मात्रा में स्थानीय लोग देखले. नोट के कतरन के भूसा निहन महीन काट दिहल गईल बा। नोट के कतरन के ढेर देखते लोग ओ जगह पs पहुंचे लगले। कुछ ही समय में इ मामला इलाका में चर्चा के विषय बन गईल। कुछ गांव के लोग तs नोट कतरन ले अपना घरे ले जाए लगले। नोट के कतरन देख के अंदाजा लगावल जात रहे कि ई नोट कवनो मशीन से काट के चीर-फाड़ कइल गइल बा. हालांकि, मिलल कतरन अवैध नोट के रहे कि वैध नोट , एकर अबे ले पुष्टि नईखे भईल।
जांच में जुटल पुलिस
पूरा मामला के जानकारी देत अपर एसपी नृपेंद्र कुमार कहले कि इs मामला कासिमपुर थाना के गौसगंज शहर के हs, , जहां राजेन्द्र सूबेदार अवुरी श्याम सिंह के खेत बा। ई कतरन सड़क के किनारे मिलल बा जवन भारतीय मुद्रा से मिलत जुलत लउकत बा. जांच हो रहल बा। जांच रिपोर्ट अईला के बाद स्थिति साफ हो जाई अवुरी ओकरा बाद अवुरी कानूनी कार्रवाई होई। फिलहाल पुलिस जांच में व्यस्त बिया कि कतरन कहां से आईल बा।