मध्य प्रदेश: गोदाम में जबरन ले जाके महिला से गैंगरेप

मध्य प्रदेश के इंदौर में एगो चौंकावे वाला मामिला सोझा आईल बा। इंदौर में 34 साल के महिला के संगे सामूहिक बलात्कार अवुरी जबर्दस्ती न्यूड हालत के मामला में पांच लोग पs मामिला दर्ज भईल बा। एगो पुलिस अधिकारी मंगल के दिने ई जानकारी दिहले.

मध्य प्रदेश हाईकोर्ट के आदेश के 19 दिन बाद इs मामिला दर्ज भईल बा। हाईकोर्ट पुलिस के महिला के शिकायत पs विचार कs के 90 दिन के भीतर निपटारा करे के आदेश देले रहे। अधिकारी बतवले कि महिला कनाड़िया थाना में प्राथमिकी दर्ज करवले बिया कि आरोपी 11 जून के जबर्दस्ती ओकरा के एगो गोदाम में ले गईल रहले, जहां टीवी पs अश्लील वीडियो देखला के बाद उनुका संगे सामूहिक बलात्कार कईले रहले।

उ बतवले कि महिला प्राथमिकी में इहो आरोप लगवले बिया कि कथित घटना के दौरान उनुका के बेल्ट से पीटल गईल अवुरी आधा घंटा ले निर्वस्त्र नाचे के मजबूर कईल गईल। अधिकारी बतवले कि महिला के शिकायत पs पुलिस सोमार के देर रात भारतीय दंड संहिता के प्रासंगिक प्रावधान के तहत पांच आरोपी के खिलाफ प्राथमिकी दर्ज करवलस।

14 अगस्त के कोर्ट कनाड़िया थाना के प्रभारी के महिला के शिकायत पs विचार कs के 90 दिन के भीतर निपटारा कs उचित कदम उठावे के आदेश देले रहे। एही बीच राज्य कांग्रेस के प्रवक्ता नीलाभ शुक्ला आरोप लगवले कि भारतीय जनता पार्टी के दबाव में पुलिस महिला के शिकायत पs प्राथमिकी दर्ज करावे में देरी कs देलस, काहेंकी आरोपी में से एगो आरोपी सत्ताधारी पार्टी से जुड़ल बा। प्रदेश भाजपा प्रवक्ता नरेंद्र एs आरोप के खारिज कs देले। सलूजा कहले कि आरोपी चाहे केहु होखे भाजपा सरकार के तहत पीड़ित के न्याय जरूर मिली। हालांकि हमरा पता चलल बा कि महिला से जुड़ल मामिला में दुनो पक्ष एक दूसरा के खिलाफ पुलिस शिकायत दर्ज करवले बा।