BHU में पीजी कोर्स खातिर एडमिशन प्रक्रिया शुरू , अइसे रजिस्ट्रेशन करी, जानी पूरा प्रक्रिया

बीएचयू के जनसंपर्क अधिकारी डॉ. राजेश सिंह बतवले कि सीयूईटी पीजी परीक्षा में आवे वाला अभ्यर्थी 4 मई 2024 से 25 मई 2024 तक रात 11:59 बजे से एकरा खातीर रजिस्ट्रेशन करा सकतारे।

बनारस हिन्दू विश्वविद्यालय में पीजी कोर्स में दाखिला खातिर रजिस्ट्रेशन के प्रक्रिया शुरू हो गइल बा । शैक्षणिक सत्र 2024-25 के इच्छुक उम्मीदवार जे एनटीए के ओर से सीयूईटी परीक्षा में शामिल भइल बाड़े आ जवन पात्र बाड़े, उ विश्वविद्यालय के वेबसाइट प जाके प्रवेश खातीर रजिस्ट्रेशन करा सकतारे। एकरा खातीर विश्वविद्यालय एगो अधिसूचना जारी कइले बिया।

बीएचयू के जनसंपर्क अधिकारी डॉ. राजेश सिंह बतवले कि सीयूईटी पीजी परीक्षा में आवे वाला अभ्यर्थी 4 मई 2024 से 25 मई 2024 तक रात 11:59 बजे से एकरा खातीर रजिस्ट्रेशन करा सकतारे। रजिस्ट्रेशन के समय जरूरी फीस के भुगतान भी ऑनलाइन मोड के माध्यम से करे के होई। एकरा खातिर विस्तृत जानकारी बीएचयू के वेबसाइट प दिहल गइल बा ।

अइसे रजिस्ट्रेशन करावे के बा

पीजी कोर्स में दाखिला खातिर , रजिस्ट्रेशन करावे खातिर सबसे पहिले विद्यार्थियन के विश्वविद्यालय के वेबसाइट www.bhu.ac.in/Site/AdmissionCounselling/ प जा के पीजी पंजीकरण सह काउंसलिंग-2024 के नीचे अब आवेदन के बटन प क्लिक करे के पड़ी । एकरा बाद उम्मीदवार के रजिस्ट्रेशन से पहिले वेब पोर्टल प उपलब्ध बीएचयू सूचना बुलेटिन 2024 के ध्यान से पढ़े के होई। जवना के बाद उहाँ रजिस्ट्रेशन करावे के होई सीयूईटी-पीजी के स्कोर कार्ड जरूरी बा, रजिस्ट्रेशन खातीर एनटीए के ओर से आयोजित परीक्षा सीयूईटी-पीजी के स्कोर कार्ड होखल अनिवार्य होई। काहे कि एकरा के वेबसाइट पर अपलोड करे के पड़ी।