अलीगढ़ की पहिला मीट एक्सपोर्टर कंपनी : हिन्द एग्रो पs बैंक के कब्ज़ा, लोन ना चुकावे के कारवाई
हिंद एग्रो मीट एक्सपोर्ट अलीगढ़ के पहिला मीट एक्सपोर्टर कंपनी हs। इहाँ से विदेश में मांस के आपूर्ति होखत रहे। गड़बड़ी के चलते कंपनी में बहुत दिन तक ताला लागल रहे। बैंक लोन के रूप में भारी रकम के भुगतान ना कइला के चलते कंपनी के दिवालिया घोषित कs दिहल गइल।
अलीगढ़-अनुपशहर रोड स्थित छेरात स्थित जिला के पहिला मांस निर्यातक कंपनी हिंद एग्रो इंडस्ट्रीज लिमिटेड के बैंक ऑफ बड़ौदा से लोन ना चुकावे के चलते दिवालिया घोषित कs दिहल गइल बा। 12 अगस्त के एनसीएल कोर्ट (राष्ट्रीय कंपनी लॉ कोर्ट) के निर्देश पs बैंक पुलिस के मौजूदगी में कंपनी पs कब्जा कs लेलस। एह दौरान कर्मचारी ए कार्रवाई के विरोध में बाहर निकलले। पुरान बिल चुकावे के मांग क के हंगामा शुरू कs देले। एडीएम सिटी अमित कुमार भट्ट कहले कि कोर्ट के आदेश के पालन भइल बा। कंपनी के कुछ कर्मचारी विरोध में जरूर आइल रहले, बाकी समझवला के बाद उनका के शांति मिल गइल।
हिंद एग्रो मीट एक्सपोर्ट अलीगढ़ के नामी कंपनी में से एगो हs। इहाँ से विदेश में मांस के आपूर्ति होखत रहे। गड़बड़ी के चलते कंपनी में बहुत दिन तक ताला लागल रहे। बैंक लोन के रूप में भारी रकम के भुगतान ना कइला के चलते कंपनी के दिवालिया घोषित क दिहल गइ ल। एकरा बारे में बैंक ऑफ बड़ौदा भी ओटीएस (वन टाइम सेटलमेंट स्कीम) में कंपनी के संगे समझौता करे के कोशिश कइलस।
एकरा बाद एनसीएल कोर्ट में मुकदमा दायर भइल आ बैंक के पक्ष में मालिकाना हक पs कब्जा करावे के मांग कइल गइल। एकर सुनवाई एनसीएल कोर्ट के दु सदस्यीय पीठ सदस्य (न्यायिक) प्रवीण गुप्ता आ सदस्य (तकनीकी) आशीष वर्मा कइले। पीठ बैंक के पक्ष में ए आदेश के पारित कs देलस। जवना में आरपी परमजीत सिंह भाटिया के कंपनी के बिजनेस रिकॉर्ड समेत कॉरपोरेट लायबिलिटी के सब संपत्ति पs नियंत्रण लेवे के अधिकार दिहल गइल।
एकरा बाद बैंक के प्रतिनिधि हिंद एग्रो इंडस्ट्रीज लिमिटेड कंपनी के कब्जा करे पहुंचले, बाकी कंपनी के कर्मचारी के विरोध के चलते कब्जा लेवे के प्रक्रिया पूरा ना हो पावल। कोर्ट डीएम आ एसएसपी के कब्जा लेवे के आदेश देलस। एएसपी अमृत जैन, नायब तहसीलदार कोल रतन कुमार के नेतृत्व में भारी पुलिस बल बैंक के कब्जा में ले लिहलस। एह दौरान कंपनी के मालिक पक्ष के लोग मौजूद रहे।