बसपा MLA राजू पाल हत्याकांड में कुल सातो आरोपी दोषी करार, साथे अतीक आ अशरफ रहले आरोपी
एक ओर विधायक कृष्णानंद राय के हत्या के जिम्मेदार मुख्तार अंसारी के मौत हो गईल बा, तs दोसरा ओर प्रयागराज के मशहूर राजू पाल हत्या के मामिला में सीबीआई स्पेशल लखनऊ कोर्ट 7 आरोपी के दोषी ठहरवले बिया। एs मामिला में उत्तर प्रदेश के मशहूर माफिया अवुरी उनुकर भाई अतीक अहमद पs भी आरोप रहे। राजू पाल हत्या के मामिला में सीबीआई विशेष अदालत आरोपी आबिद, फरहान, जावेद, अब्दुल, गुल हसन, इसरार अवुरी रंजीत के दोषी ठहरवले बिया। हो सकेला कि कोर्ट जल्दिए एह सजा के एलान करे।
2005 में राजू पाल के हत्या भईल रहे
जनवरी 2005 में प्रयागराज जिला में बसपा विधायक राजू पाल के हत्या हो गइल रहे। एहमें ताकतवर पूर्व सांसद अतीक अहमद, उनुकर भाई पूर्व विधायक अशरफ समेत बहुते आरोपियन के आरोपी बनावल गइल। राजू पाल के पत्नी पूजा पाल धूमनगंज (प्रयागराज) थाना में हत्या के मामिला में प्राथमिकी दर्ज करवले रहली अवुरी पूर्व सांसद अतीक अहमद अवुरी उनुकर भाई अशरफ उर्फ खालिद अजीम के नाम बतवले रहली। 6 अप्रैल 2005 के एs हत्या के मामिला के जांच के बाद पुलिस अतीक अवुरी अशरफ समेत बहुत लोग के आरोपी बना देले रहे।
मामिला के गवाह के भी हत्या कs दिहल गईल
राजू पाल हत्याकांड के प्रमुख गवाह उमेश पाल के भी गोली मार के हत्या कs दिहल गईल। धूमनगंज थाना क्षेत्र में उमेश पाल पs उमेश पाल के घर के बहरी बम अवुरी गोली से हमला कईले। एs हमला में उमेश पाल के अलावे उनुकर दु सुरक्षाकर्मी भी घाही हो गईले। एs हत्या के आरोप अतीक अहमद पs भी लागल रहे।
अतीक-अशरफ के हो चुकल बा मउत
कुख्यात माफिया अतीक अहमद आ उनुकर भाई अशरफ दुनु जने के मउत हो गइल बा। पछिला साल दुनो भाई पुलिस के हिरासत में मीडिया के बाइट देत रहले। एही बीच तीन वीडियो कैमरा, माइक अवुरी मीडिया आईडी के संगे लोग पहुंच के अंधाधुंध फायरिंग शुरू कs देले। एकरा बाद घायल अतीक अवुरी अशरफ के अस्पताल पहुंचावल गईल, जहां ओ लोग के मृत घोषित कs दिहल गईल।
साभार- इंडिया tv