Lok Sabha Elections 2024: एजु के लोग पहिला बेर दिहले वोट, चुनाव के सबसे खूबसूरत तस्वीर के महिंद्रा कइले शेयर

महिंद्रा एंड महिंद्रा के चेयरमैन आनंद महिंद्रा अक्सर सोशल मीडिया के माध्यम से बहुत रोचक अवुरी उपयोगी बात पोस्ट करेले। हाल ही में उs अपना एक्स हैंडल से एगो तस्वीर शेयर कईले। जवन लोकतंत्र के पर्व के सुंदरता के बखान कs रहल बा। पोस्ट शेयर करत महिंद्रा कहले कि आदिवासी समूह में से एगो शोम्पेन जनजाति के सदस्य पहिला बेर वोट देले बाड़े। आनंद महिंद्रा के एह पोस्ट में शोम्पेन जनजाति के एगो सदस्य आपन मतदाता आईडी कार्ड लेके आपन स्याही वाला अंगुरी देखावत फोटो खातिर पोज दे रहल बाड़े।

This, for me, is the best picture of the 2024 elections.

One of seven of the Shompen tribe in Great Nicobar, who voted for the first time.

Democracy: it’s an irresistible, unstoppable force. pic.twitter.com/xzivKCKZ6h

— anand mahindra (@anandmahindra) May 20, 2024

लोकतंत्र एगो ताकतवर आ अजेय ताकत हs

एह तस्वीर के साझा करत आनंद महिंद्रा लोकतंत्र के एगो ताकतवर आ अजेय ताकत बतवले. उs कैप्शन में लिखले कि, 'हमरा खातीर इs 2024 के चुनाव के सबसे निमन तस्वीर बा।' ग्रेट निकोबार के शोम्पेन जनजाति के सात लोग में से एगो जवन पहिला बेर वोट देले रहले।' महिंद्रा के पोस्ट पs भी बहुत लोग कमेंट कईले बाड़े। जहाँ कवनो प्रयोगकर्ता कमेंट आ लिखले बा - दुनिया के सबसे बड़ लोकतंत्र रउरा के वोट देवे के सबसे बड़ अधिकार देला। एगो अउरी यूजर लिखले बा - लोकतंत्र के महान पर्व के आयोजन में समाज के अंतिम पायदान पs बइठल व्यक्ति के भागीदारी भारतीय लोकतंत्र के सही जीत हs। तीसरा लिखले- ई छवि देख के दिल खुश हो गइल सर। महिंद्रा के ई पोस्ट 2.5 लाख से अधिका लोग देखल आ 17 हजार लोग लाइक कइल.