ई सिंगर 29 के उमिर में छोड़ली म्यूजिक इंडस्ट्री, अब संभलीहें पापा के बिजनेस
आदित्य बिड़ला ग्रुप के चेयरमैन कुमार मंगलम बिड़ला के बेटी अनन्या बिड़ला के युवा लोग के बीच जबरदस्त लोकप्रियता बा। उनकर गीत कॉलेज के छात्र आ युवा लोग के बहुत पसंद बा। बाकिर हालही में अनन्या बिड़ला सोशल मीडिया पs एगो पोस्ट शेयर कइली आ अपना प्रशंसकन के अइसन खबर दिहली कि ऊ लोग चौंक गइल. उनुका पोस्ट से सिर्फ प्रशंसक ना बालुक बॉलीवुड के मशहूर अभिनेता बॉबी देओल अवुरी गायक अरमान मलिक के दिल टूट गईल बा
सिंगिंग छोड़ के बाउजी के बिजनेस सम्हारिहें
असल में अनन्या बिड़ला एह पोस्ट के शेयर कs के एलान कइले बाड़ी कि अब ऊ संगीत जगत छोड़त बाड़ी. पोस्ट शेयर करत अनन्या लिखली - 'मित्र लोग, इs बहुत कठिन फैसला रहल बा।' हम अइसन मुकाम पs पहुँच गइल बानी जहाँ हमरा खातिर अपना बिजनेस आ संगीत के संतुलन बनावल बहुते मुश्किल हो गइल बा. एकर हमरा पs बहुत बुरा असर पड़ रहल बा। रउआ सभे के धन्यवाद जे अब ले जवन गीत रिलीज कइले बानी ओकरा के एतना प्यार दिहनी। आशा बा कि आवे वाला समय में हमनी के अपना लोग के बनावल अंग्रेजी गीत के सराहना करब जा। काहे कि हमनी के देश में प्रतिभा के कवनो कमी नइखे. अब समय आ गईल बा कि हम आपन पूरा ऊर्जा बिजनेस के दुनिया में डाल दीं। हँ, अब अनन्या बिरला गायन छोड़ के अपना बाबूजी के धंधा सम्हार लीहें.
