Chhattisgarh Blast: बीजापुर में नक्सलियन के एगो आउर धमाका, आईईडी धमाका में दुगो जवान घायल
छत्तीसगढ के बीजापुर जिला में एक बेर फेर नक्सलियन के ओर से प्लांट आईईडी के चपेट में आके सुरक्षाबलन के जवान घायल हो गइल बा लो। घायलन के उपचार खातिर बीजापुर अस्पताल ले आवल गइल बा। घायल जवानन के नाम मृदुल बर्मन आ मोहम्मद इसहाक बा। जेकरा गोड़ में चोट लागल बा। दुनो जवान कोबरा यूनिट से बा लो आ रायपुर रेफर कs दिहल गइल बा लो।
मिलल जानकारी के मोताबिक, जिला के बासागुड़ा थाना क्षेत्र पुतकेल कैंप से सीआरपीएफ आ कोबरा के संयुक्त पार्टी एरिया डॉमिनेशन पs निकलल रहे। एरिया डॉमिनेशन ड्यूटी के दौरान नक्सलियन द्वारा प्लांट कइल गइल आईईडी के ब्लास्ट होखला से एकरा चपेट में आके सुरक्षाबल के दुगो जवान घायल हो गइल लो।
दुनो घायल जवानन के बीजापुर अस्पताल ले आवल गइल। इहां ओह लोगन के उपचार चल रहल बा। बतावल गइल बा कि जवानन के हालत सामान्य आ खतरा से बाहर बतावल गइल बा। बता दीं कि बीतल 12 जनवरी के जांगला थाना क्षेत्र के जैगुर के लगे नक्सलियन के ओर से आईईडी प्लांट कइल गइल रहे। जवना के चपेट आके में डीआरजी के दुगो जवान रामसाय मज्जि आ गजेंद्र साह घायल हो गइल लो। ओह लोगन के बेहतर उपचार खातिर रायपुर भेजल गइल बा।
Read Also: Saif Ali Khan Attacked: सैफ अली खान पs भइल हमला ममिला में पुलिस के एक्शन, हिरासत में तीन संदिग्ध