राम मंदिर में फेर से सुरू भइल VIP दर्शन, घर बईठले बुक करीं आरती के पास, इहां जानीं पूरा प्रोसेस

यूपी के अयोध्या में राम नवमी के बाद पहिले के व्यवस्था के फेर से राम मंदिर में लागू कईल जाई। एकरा तहत राम भक्तन खातिर सुगम दर्शन पास, आरती पास आ वीआईपी दर्शन के इंतजाम हो जाई। एकरा संगे अब पहिले के समय अवधि के मुताबिक राम लला के दर्शन हो जाई। एहमें मंगला आरती के बाद सबेरे साढ़े छह बजे राम भक्तन खातिर भगवान के दरबार खोलल जाई. फेर दुपहरिया 12:00 बजे प्रसाद के बाद राम लला के आराम खातिर मंदिर 1 घंटा ले बंद हो जाई।

एकरा बाद दोपहरिया के 1:00 बजे से 9:30 बजे ले भगवान के लगातार दर्शन जारी रही। भगवान राम लल्ला के जन्मोत्सव के मउका पs राम लला के दर्शन के अवधि के लेके बहुत बदलाव भईल। जवना में मुख्य रूप से राम लला के दर्शन अवधि के काफी बढ़ावल गईल जवना में राम लला के दर्शन सबेरे 3:00 बजे से शुरू भईल। एकरा संगे भगवान के सभ आरती अवुरी सुगम दर्शन पास रद्द हो गईल।

इs सिस्टम राम नवमी के तहत लागू भईल रहे

बता दीं कि राम मंदिर ट्रस्ट आ प्रशासन के एगो आशंका रहे कि रामलला के जन्मोत्सव के मउका पs पूरा देश आ दुनिया के रामभक्त प्राण प्रतिष्ठा के तर्ज पs चहुँप जइहें , भक्तन के वीआईपी दर्शन के लेके कुछ बदलाव कइल गइल। जवना में राम लला के दर्शन अवधि खातिर सबेरे 3:00 बजे से राम भक्तन खातिर राम लला के दरवाजा खुलल। एकरा अलावे 15 अप्रैल से हर प्रकार के सुगम दर्शन पास, आरती पास अवुरी वीआईपी दर्शन के पूरा तरीका से रद्द कs दिहल गईल। एक बेर फेरु से अब ई सिस्टम लागू हो गइल बा.

फेर से पुरान व्यवस्था लागू

राम मंदिर ट्रस्ट के कार्यालय प्रभारी प्रकाश गुप्ता बतवले कि राम नवमी के चलते 15 अप्रैल से 19 अप्रैल ले सभ प्रकार के पास रद्द कs दिहल गईल अवुरी वीआईपी दर्शन भी पूरा तरीका से बंद हो गईल, जवन कि अब यानी राम भक्त के संचालन हो चुकल बा घर में बइठ के आरती पास ऑनलाइन ले सकेला आ आसान दर्शन पास के सिस्टम भी शुरू कर दिहल गइल बा।