Bahraich: कई दिन से धमकी देत रहे बेटा, अंत में माई के गला दाब के मुआ देलस

बहराइच के एगो गांव में नशा में धुत्त बेटा अपना माई के गला रेत के हत्या कऽ दिहलस। दिव्यांग पिता जब खुद बेटा पs आरोप लगवले आ गांव के लोग के सोझा अपना कष्ट के बारे में बतवले तऽ गांव में सनसनी पैदा हो गइल। सूचना मिलला के बाद पुलिस मौका पs पहुंचल आ मौका पs जांच कऽ के लाश के पोस्टमार्टम खातिर भेज देलस। फिलहाल पुलिस ए मामला में कुछ कहे से इनकार कऽ देले बिया आ पोस्टमार्टम रिपोर्ट के इंतजार करतिया।

खैरीघाट थाना क्षेत्र के ग्राम पंचायत धनवा निवासी रंगीलाल आरोप लगवले कि उनकर बड़का बेटा जयकरन अक्सर शराब के नशा में बहस करत रहले। उऽ बतवले कि दुनो आंख से ना देखाई देवे के बावजूद उऽ उनका के मारत रहले। शुक के रात बेटा अपना माई गुलाबा देवी के गला दाब के हत्या कऽ देलस।