Bangladesh News: बांग्लादेश में जदी कुछ भइल तs पश्चिम बंगाल आ पूर्वोत्तर भारत में... मोहम्मद यूनुस धमकी देवे के उतारू!
Muhammad Yunus Warns India : बांग्लादेश के प्रभार संभालला के महज कुछ घंटा बाद मुहम्मद यूनुस भारत के लेके अइसन संकेत देले बाड़े जवना से दुनो देश के बीच दरार पैदा हो सकता। हैरानी के बात ई बा कि एह समय बांग्लादेश के प्रति भारत के रुख बहुत सहयोगी रहल बा...
बांग्लादेश भारत संबंध अपडेट : नोबेल शांति पुरस्कार विजेता अर्थशास्त्री मोहम्मद यूनुस बांग्लादेश के नयकी अंतरिम सरकार के शपथ लेले बाड़े आ उनकर हालिया बयान भारत खातीर एगो चेतावनी बा। एगो न्यूज चैनल के दिहल साक्षात्कार में ऊ कहले कि अगर म्यांमार के संगे बांग्लादेश में अस्थिरता पैदा होई तs भारत के पूर्वोत्तर आ पश्चिम बंगाल के राज्य भी प्रभावित होई।
जानल मानल तथ्य बा कि 84 साल के मोहम्मद यूनुस शेख हसीना के कड़ा आलोचक हवे। बांग्लादेश के हालात के देखत शेख हसीना हाल ही में भारत आइल रहली। बांग्लादेश में हिंसा के शुरुआत आ हसीना सरकार गिरला के बाद से बीएसएफ हाई अलर्ट पर बा।
बिजनेस स्टैंडर्ड के मुताबिक, जवना दिन यूनुस ई साक्षात्कार देले रहले, उहे दिन भारत के बीएसएफ कहले रहे कि ऊ पश्चिम बंगाल के अंतरराष्ट्रीय सीमा पs बांग्लादेशी के एगो बड़ समूह के भारत में घुसपैठ करे से रोक देले बा। बतावल जात बा कि ओह दिन बीएसएफ कवनो तरह से करीब 120-140 बांग्लादेशियन के रोक दिहलस जे अलग अलग कोना से भारतीय सीमा में घुसे के कोशिश करत रहले।
एने बता दीं कि बांग्लादेश के अंतरिम सरकार के पहिला काम देश में कानून व्यवस्था बहाल करे के होई। यूनुस ई साक्षात्कार बांग्लादेश लवटे से पहिले भी देले रहले। एगो सवाल के जवाब में यूनुस कहले कि बांग्लादेश में बहुत साल से कानून व्यवस्था ना रहे आ अब ओकरा में अस्थिरता के सामना करे के पड़ता। हसीना के पीएम पद से इस्तीफा के मांग बढ़ल काहे कि कानून व्यवस्था बहुते खराब हो गइल रहे।