भोजशाला के पीछे जमीन के अंदर मिलल दीवारनुमा संरचना, मिलल नक्काशी वाला पत्थर के पांच गो अलग-अलग टुकड़ा

भारतीय पुरातत्व सर्वेक्षण (एएसआई) के सर्वेक्षण के 59वां दिन अतवार के भोजशाला के पीछे पच्छिमी हिस्सा में स्थित खेत में खुदाई के दौरान जमीन के भीतर देवाल निहन संरचना के कुछ हिस्सा देखाई देलस। ई संरचना कुछ दिन पहिले मिलल दुनो देवाल से अलग बा, जवना के नींव ले पहुंचे खातिर खुदाई करे के पड़ी ।

हिन्दू पक्ष के गोपाल शर्मा के मुताबिक भोजशाला के नींव के बारे में जाने खातीर एएसआई टीम भोजशाला के पीछे एगो खेत में खुदाई कईलस। इs खेत एगो किसान के हs, जवन हाईकोर्ट के सर्वेक्षण आदेश के तहत 50 मीटर के त्रिज्या में आवेला।

नींव के खुदाई के दौरान दीवार निहन संरचना मिलल

भोजशाला के नींव खोदे के दौरान एह खेत में जमीन के भीतर एगो देवाल निहन संरचना के खोज भईल। अब देवाल के एगो अवुरी संरचना के खोज के संगे बड़ पैमाना पs खुदाई के जरूरत पड़ी।

पांच अलग-अलग नक्काशीदार पत्थर के टुकड़ा मिलल

उ बतवले कि खुदाई के दौरान उत्तरी भाग में पांच अलग-अलग नक्काशीदार पत्थर के टुकड़ा भी मिलल बा। ई सब टुकड़ा सुरक्षित कs लिहल गइल बा. उल्लेखनीय बा कि हाईकोर्ट के इंदौर पीठ के आदेश पs 22 मार्च से सर्वेक्षण शुरू भईल। सर्वेक्षण खातिर दू महीना (60 दिन) 20 मई के पूरा हो जाई. 27 जून ले सर्वेक्षण कईला के बाद एएसआई के 4 जुलाई के हाईकोर्ट में आपन रिपोर्ट देवे के होई।