Bihar News: सिवान में शिक्षक पऽ गोलियन के बौछार, छटपटा के तूड़ले दम

सिवान में एगो शिक्षक के गोली मार के हत्या कऽ दिहल गइल। घात लगा के बईठल अपराधी प्राथमिक मिडिल स्कूल के शिक्षक पऽ गोली चला के हत्या कऽ देले आ भाग गइले। घटना महाराजगंज थाना क्षेत्र के धनछुआ नहर के नजदीक भइल, जहां दरौंदा थाना क्षेत्र के शेरपुर गांव निवासी रामधनी मांझी के 42 साल के बेटा शिक्षक भरत मांझी के अपराधी निशाना बनवले रहले। ई घटना बियफे के देर साँझ के हऽ। पुलिस मामला के छानबीन में जुटल बिया।

सिवान में शिक्षक पs गोली चलल

सिवान के महाराजगंज थाना क्षेत्र के धनछुआ नहर के लगे अपराधी एगो शिक्षक के गोली मार के हत्या कऽ देले। एह घटना के सिलसिला में बतावल जाता कि अपराधी दरौंदा थाना क्षेत्र के शेरपुर गांव निवासी रामधनी मांझी के 42 साल के बेटा शिक्षक भरत मांझी के निशाना बना के गोली के बौछार कइले। हत्या के पीछे के कारण निजी प्रतिद्वंद्विता बतावल जाता। मरेवाला दरौंदा प्रखंड के ढेबर प्राइमरी मिडिल स्कूल में  कार्यरत रहले।

बतावल जाता कि शुक के सांझ के करीब 7 बजे शिक्षण के काम पूरा कइला के बाद उक्त शिक्षक महाराजगंज बाजार गइल रहले। जहां खरीदारी के बाद उऽ शेरपुर में अपना घर आवत रहले। एही बीच पहिले से घात लगा के हमला करेवाला अपराधी ओ लोग पs अंधाधुंध गोलीबारी कऽ देले। एह दौरान गोली उनका शरीर पs लागल। इहाँ गोली के आवाज़ सुन के अफरा-तफरी के माहौल पैदा हो गइल। गोली के आवाज सुन के लोग एने ओने दउड़े लगले। सुनसान देख के अपराधी भी मौका से भाग गइले। गोली लगला के बाद शिक्षक सड़क पs छटपटात रहले आ शरीर से जादे खून बहला के चलते मौका पs मौत हो गइल।

मौका प एसएचओ समेत पुलिस टीम पहुंचल

एह हमला के बाद पास के लोग महाराजगंज पुलिस के सूचना देले। सूचना मिलते महाराजगंज थाना प्रमुख उपेंद्र कुमार सिंह पुलिस बल के संगे घटना स्थल प पहुंचले अउरी शिक्षक के अस्पताल में भर्ती करवले। जहां डाक्टर शिक्षक के मृत घोषित कऽ देले। मरेवाला के परिजन में अराजकता मचल बा।