Bihar News : बिहार में फर्जी शादी करे वाली जोड़ी ! ई मामी - भगिनी पहिले भी अइसन बियाह कइले बा, एकरा पीछे के खेला समझी
पत्नी पति : अबकी बेर जब बियाह भइल तs बहुत चर्चा भइल। ई कवनो जोड़ा ना हs, ई एगो जोड़ी हs। अइसन जोड़ी, जे बार-बार अनोखा तरीका से बियाह कs के मशहूर हो जाला ताकि उनकर सोशल मीडिया फॉलोअर्स बढ़े। मीडिया रिपोर्ट के जांच के दौरान मामी- भगिनी के पूरा खेल समझ में आ गइल।
सोमवार के दिने गोपालगंज के एगो मंदिर में मामी भगिनी के बियाह हो गइल। सोशल मीडिया पs ए बियाह के बहुत चर्चा भइल, बाकी मीडिया के जांच में ई बियाह पहिले के बाकी बियाह नियन फर्जी रहे। दुनु जने के पति बाड़े आ खेल जानत बाड़े । उहो एह खेल के मजा ले रहल बाड़े। दुनो महिला सोशल मीडिया पs फॉलोअर्स बढ़ावे खातीर अइसन करत आईल बाड़ी सs। ई मामिला कुचायकोट प्रखंड के बेलवा गांव के हs।
बियाह देखावे खातिर भइल रहे, कारण कुछ अउर रहे
मीडिया के जांच में सोझा आइल कि मामी भगिनी मिल के कुछ यूट्यूबर के संगे फर्जी बियाह के आयोजन कs मंदिर जइसन पवित्र स्थल के अपमानित कइलस। मामी के किरदार निभावत लईकी पैंट-शर्ट पहिन के दूल्हा के भूमिका निभावत रहे, जबकि ओकर तथाकथित भगिनी साड़ी पहिनले दुल्हिन के भूमिका निभावत रहे। मामी आ भगिनी दुनु के बियाह हो गइल बा आ दुनु के आपन चैनल इंस्टाग्राम पर बा। दुनो लईकी के पहिले भी एक संगे रील बनावत देखल गइल बा। दुनों के मकसद रहे कि फॉलोअर्स आ व्यू बढ़ावल जाए, जवना खातीर ऊ लोग फर्जी बियाह के नाटक कs के सुर्खी बनावे के कोशिश कइलख। अबकी बेर दुनु जने अपना प्रयास में सफल रहली । उनकर खबर राष्ट्रीय आ सगरी प्रतिष्ठित यूट्यूब चैनलन पर देखावल गइल । राज्य भर में लोग आपन खबर देखत देखाई देले। कुछ मीडिया चैनल के टीम जब जांच के दौरान मामी-भगिनी के गांव पहुंचल तs गांव के लोग बतवले कि पहिले भी दुनो लोग अइसन किरदार निभा के सुर्खी बनवले रहले। उनकर परिवार के लोग भी जानत बा कि ऊ अइसन ड्रामा करत रहेली, एहसे सबके मजा आवेला। जब हम परिवार से एह बियाह के बारे में बात करे के कोशिश कईनी तs हमरा सिर्फ एगो जवाब मिलल - "उ बता दिहे।" दुनु जने कहानी सुनावे खातिर आगे नइखन आवत आ प्रशासन के कहनाम बा कि जदी ओह लोग के पति पुलिस में अइहें तs कानूनी प्रक्रिया चलावल जाई । वैसे दुनों के पति बहरी काम करेले आ पईसा कमाएले आ अइसन ड्रामा से ऊ लोग के अवगत बा।
गोपालगंज जिला के कुचायकोट प्रखंड के बेलवा गांव के शोभा कुमारी के अपना भगिनी सुमन कुमारी से औपचारिक बियाह के खबर सोमार के दिने वायरल हो गइल रही । मामी शोभा कुमारी मीडिया में बतवले रहली कि पछिला तीन साल से ऊ अपना भगिनी से प्यार करत रहली आ एकरा बाद सोमवार के दुनो लोग एक दूसरा से बियाह करे के फैसला कइलख। भगिनी सुमन भी कहले रहली कि उनकर मामी उनका के कबो ना छोड़ीहें। दुनु जने जिनिगी भर एक दोसरा के साथे रहीहें आ अब एह बंधन से केहू अलगा ना हो सके। जब ए बियाह के कारण के पता चलल तs पता चलल कि ई फर्जी बियाह यूट्यूब आ इंस्टाग्राम पs फॉलोअर्स आ टीआरपी बढ़ावे खातीर भइल बा।
