Bihar News : बाहुबली अनंत सिंह के जेल से रिहाई पs तेजस्वी के बड़ बयान, सीएम नीतीश पs एकर आरोप लगवले

अनंत सिंह जेल से बाहर निकलते सीएम नीतीश कुमार पs नेता प्रतिपक्ष तेजस्वी यादव एगो बड़ आरोप लगवले बाड़े। उनका बयान के बाद राजनीति गरम होखे लागल बा।

बाहुबली आ पूर्व विधायक अनंत सिंह जेल से बहरी निकलते बिहार में राजनीति गरमा गइल। अनंत सिंह जेल से बाहर निकलते सीएम नीतीश कुमार पs नेता प्रतिपक्ष तेजस्वी यादव एगो बड़ आरोप लगवले बाड़े। राघोपुर में पत्रकारन से बतियावत ऊ कहले कि चुनाव में मुख्यमंत्री के जेकर जरूरत बा, ऊ उनका के जेल से बाहर निकाल देले। ओकरा बाद ओकरा के जेल भेज देले। तेजस्वी यादव के ए बयान के बाद राजनीति गरम होखे लागल बा।

पटना हाईकोर्ट दू दिन पहिले बरी कर दिहलस

इहाँ राजनीतिक पंडित के कहनाम बा कि तेजस्वी यादव इशारा करत रहले कि अनंत सिंह के जेल भेजे के पीछे नीतीश कुमार भी बाड़े। तत्कालीन आईपीएस अधिकारी लिपी सिंह के कार्रवाई के बाद अनंत सिंह के लुकाईल जगह से एके 47 आ बुलेट प्रूफ जैकेट बरामद भईल। अनंत सिंह के निचला अदालत के ओर से सजा मिल गइल आ उहो जेल जाए के पड़ल। दू दिन पहिले पटना हाईकोर्ट उनका के बरी कर दिहलस।

अनंत सिंह आज सबेरे बेउर जेल से बहरी निकलले।

बता दीं कि पूर्व विधायक आ मसलमैन आनंद सिंह आज सबेरे बेउर जेल से बाहर निकलल बाड़न। जेल के बहरी उनका समर्थकन के भी जुटान रहे। जेल से बहरी निकलते अनंत सिंह पत्रकारन से बतियावत कहले कि अब उनकर मन ठीक हो रहल बा। इहे कहत ऊ अपना पैतृक गाँव नदमा खातिर रवाना हो गइले। इहाँ उनुकर समर्थक उनुकर भव्य स्वागत कइले।