Bihar Weather Today : आज से बिगड़ले वाला बा बिहार के मौसम, चुनाव के दिने ना पड़ी गर्मी; एह 18 जिलन में अलर्ट जारी

Bihar Weather बिहार में तीसरका चरण के चुनाव 7 मई के बा । मतदान के दिने मौसम सुहाना रहे वाला बा। वोटरन के गर्मी ना झेले के पड़ी। सात से 10 मई के पटना समेत आउर जिलन में मेघ गर्जन के साथे बरखा के आसार बा। एकरा अलावा तेज हवा के प्रवाह संगे मेघ गर्जन आ वज्रपात के चेतावनी जारी कइल गइल बा।

तीसरका चरण के लोकसभा चुनाव के दिन मतदाता लो के भीषण गर्मी आ लू से राहत मिली। सात मई के प्रदेश में पांच सीट सुपौल, अररिया, मधेपुरा, खगड़िया आ झंझारपुर में मतदान होई। अनुमान बा कि मौसम मतदाता लो के साथ दिही।

मौसम विभाग के अनुसार, सात से 10 मई के दौरान राजधानी समेत प्रदेश के सब जिलन के कुछ स्थानन पs हल्का से मध्यम दर्जा के वर्षा के संभावना बा।

एही दौरान कुछ स्थानन पs मेघ गर्जन, वज्रपात के साथे 30-40 किमी प्रतिघंटा के रफ्तार से हवा के प्रवाह जारी रही। मौसम सामान्य होखे के साथे लोगन के मतदान करे में परेशानी ना होई।

मौसम सामान्य होखे के साथे तापमान में गिरावट के संभावना बा

मौसम विज्ञान केंद्र पटना के अनुसार, उत्तर पूर्व बिहार के ऊपर चक्रवातीय परिसंचरण के क्षेत्र बने होखे के साथे द्रोणी रेखा पश्चिम बंगाल से उत्तर ओडिशा ले प्रभावी बा। उहे, दूसरा ओर प्रदेश के उत्तरी भागों में बंगाल से आ रहल नमी युक्त पुरवा हवा के कारण आर्द्रता में वृद्धि भइल बा।

ई सब मौसमी प्रभाव के चलते चार दिन ले मौसम सामान्य होखे के साथे तापमान में गिरावट के संभावना बा। सोमवार के पटना आ आसपास के इलाकन में दिन में मौसम सामान्य होखे के साथे आंशिक बादल छपले रही। कुछ जगही पऽ छिटपुट बरखा के आसार बा।

एह इलाकन में अलर्ट जारी

उत्तर पश्चिम भाग के पश्चिम चंपारण, सिवान, सारण, पूर्वी चंपारण, गोपालगंज, उत्तर मध्य भाग के सीतामढ़ी, मधुबनी, मुजफ्फरपुर, दरभंगा, वैशाली, शिवहर, समस्तीपुर, उत्तर पूर्व भाग के सुपौल, अररिया, किशनगंज, मधेपुरा, सहरसा, पूर्णिया आ कटिहार के एक भा दू स्थानन पs हलका बरखा आ 30-40 किमी प्रतिघंटा के रफ्तार से तेज हवा के प्रवाह होखे के साथे मेघ गर्जन, वज्रपात के लेके चेतावनी जारी कइल गइल बा।

मौसम में बदलाव के देखत किसान भाइयन के सलाह दिहल गइल कि खेत में पड़ल फसलन के भंडारण सुरक्षित स्थानन पs करस। पशुअन के खुला स्थानन पs ना छोड़स। उहे तेज हवा के प्रभाव से फलदार वृक्ष आम, लीची के नुकसान होखे के संभावना बा।

20 शहरन के तापमान में वृद्धि

Bihar News रविवार के राजधानी समेत प्रदेश के 20 शहरन के अधिकतम तापमान में वृद्धि दर्ज कइल गइल। पटना के अधिकतम तापमान 40.8 डिग्री सेल्सियस दर्ज कइल गइल, जबकि, 44.3 डिग्री सेल्सियस के साथे बक्सर प्रदेश के सबसे गर्म स्थान रहल।

शेखुपरा में 43.4 डिग्री सेल्सियस आ वैशाली में 43.3 डिग्री सेल्सियस के साथे भीषण उष्ण लहर के प्रभाव रहल। जबकि, औरंगाबाद, बांका, नवादा में लू (हीट वेव) के प्रभाव बनल रहल।

प्रमुख शहरन के तापमान

शहर अधिकतम न्यूनतम

पटना 40.8 25.6

गया 42.7 21.8

भागलपुर 37.7 24.4

मुजफ्फरपुर 36.0 25.5

(तापमान डिग्री सेल्सियस में)