Etah: घरे पs चलत रहे देवी जागरन, फेर रफ्तार में आइल मउत; पल भर में खुशी मातम में बदल गइल
उत्तर प्रदेश के एटा में मंगल के रात एगो तेज रफ्तार गाड़ी बाइक से टकरा गइल। दुर्घटना में युवक के मउत हो गईल। जब खबर मिलल तs घर में चिल्लाहट मच गईल। घटना के समय उs एगो रिश्तेदार के रिसीव करे जात रहले। रास्ता में हादसा के शिकार हो गइल।
मिरहची थाना क्षेत्र के अख्तौली सहफन के पास भईल इs हादसा। मूल रूप से रतनपुर अख्तौली निवासी कुलदीप सोलर पैनल आटा चक्की लगवले रहले। एकरा उद्घाटन के मउका पs देवी जागरन के कार्यक्रम के योजना बनावल जात रहे। देर शाम के एगो रिश्तेदार के फोन आईल कि उs आवत बाड़े। मुख्य सड़क से गांव तक पहुंचे के कवनो साधन ना रहे।
एही पs कुलदीप उनका के रिसीव करे खातिर आपन बाइक लेके निकल गइलन। रास्ता में एगो तेज रफ्तार गाड़ी बाइक से टकरा गईल। कुलदीप गिर गईले। कुछ समय के भीतर उनुकर मउत हो गईल। जब खबर मिलल तs घर में शोक मच गईल। गांव के लोग व्यथित परिवार के लोग के दिलासा देत रहले।
