केरल में भइल सीरियल धमाका में अबले एगो के मउत, गृहमंत्री अमित शाह CM से कइले बात
केरल के कलामासेरी में अतवार के सबेरे भइल एगो कन्वेंशन सेंटर में तीन गो विस्फोट में एक आदमी के मउत हो गइल आ 36 से अधिका लोग घवाहिल हो गइल। केरल के स्वास्थ्य मंत्री वीना जॉर्ज विस्फोट के बाद सरकारी स्वास्थ्य पेशेवरन से ड्यूटी खातिर रिपोर्ट करे के निहोरा कइले बाड़ी। एकरा संगे केरल के उद्योग मंत्री पी राजीव बतवले कि विस्फोट स्थल के घेराबंदी कs दिहल गईल बा, पुलिस अवुरी फायर ब्रिगेड के राहत अवुरी बचाव के काम खाती तैनात कईल गईल बा। केरल में भइल एह सीरियल विस्फोटन के जाँच केंद्रीय जांच एजेंसी (एनआईए) करी। केंद्र एनआईए के संगे एनएसजी टीम भी भेज रहल बा। एनआईए के टीम जल्दिए मौका पs पहुंचे वाली बिया। एनआईए के फोरेंसिक टीम भी मौका पs पहुंच जाई। गृहमंत्री अमित शाह केरल के मुख्यमंत्री पिनाराई विजयन से भी बात कईले बाड़े। एह दौरान उ वर्तमान स्थिति के बारे में बतवले।
कन्वेंशन सेंटर में लगभग 2000 लोग मौजूद रहे
बतावल जात बा कि ई धमाका कन्वेंशन सेंटर में नमाज शुरू भइला के महज कुछ मिनट बाद भइल बा। ई कन्वेंशन सेंटर कोच्चि शहर से लगभग 10 किलोमीटर दूर बा। जब धमाका भईल तs करीब 2000 लोग कन्वेंशन सेंटर पs नमाज पढ़े खातीर जुटल रहले। कन्वेंशन सेंटर में मौजूद लोग मीडिया के बतवले कि पहिला विस्फोट नमाज के दौरान भईल। एकरा बाद हमनी के दुगो अवुरी धमाका सुनाई देलस।
सीएम एह धमाका के 'दुर्भाग्य' बतवले।
केरल के मुख्यमंत्री पिनाराई विजयन एह धमाका के 'दुर्भाग्य' बतवले अवुरी कहले कि स्थिति के गंभीरता से देखल जाता। राज्य के सभ वरिष्ठ पुलिस अधिकारी विस्फोट स्थल पs जा रहल बाड़े। कलामासेरी थाना के अधिकारी बतवले कि फिलहाल विस्फोट के कारण साफ नईखे। इहो पुष्टि ना हो सकल कि मौका पर एक से अधिका विस्फोट भइल कि ना। अधिकारी के मुताबिक, कथित तौर पs इ विस्फोट एगो ईसाई समूह के कन्वेंशन सेंटर में भईल बा। उ बतवले कि सबेरे नौ बजे फोन आईल कि विस्फोट के जानकारी दिहल गईल अवुरी पुलिस के मदद लिहल गईल।
धमाका के बाद इलाका में दहशत
टेलीविजन चैनल पs प्रसारित घटना के विजुअल में भारी संख्या में दमकलकर्मी अवुरी पुलिसकर्मी घटना स्थल से लोग के निकालत देखाई देतारे। कन्वेंशन सेंटर के भीतर धमाका के परेशान करे वाला विजुअल में हॉल में कई जगह आग लागल देखाई देता, काहेंकी डेराइल लोग चिल्लात देखाई देतारे। विस्फोट के बाद सैकड़ों लोग कन्वेंशन सेंटर के बहरी खड़ा देखाई देले।
केरल में विस्फोट के बाद मुंबई में अलर्ट
केरल में भइल एह सीरियल विस्फोट के बाद मुंबई पुलिस सतर्क बा। हालांकि मुंबई पुलिस के कहनाम बा कि त्योहार के मौसम अवुरी क्रिकेट मैच के देखत हमनी के पहिलही से कड़ा सुरक्षा बा। मुंबई यहूदी सेंटर छबाड़ हाऊस में पहिलही से चौबीस घंटा सुरक्षा के कड़ा इंतजाम बा।
