गुरुग्राम के एंबियंस मॉल आ नोएडा के DLF Mall के बम से उड़ावे के धमकी

गुरुग्राम के एम्बिएंस मॉल अवुरी नोएडा के डीएलएफ मॉल में बम के धमकी मिलल बा। एकरा बाद दुनो मॉल के खाली कs दिहल गईल।

गुरुग्राम के एम्बिएंस मॉल में शनिचर के दुपहरिया में मॉल में बम के धमकी मिलला के बाद हलचल मच गईल। तुरंत मॉल के खाली करा के उहाँ मौजूद सभ लोग के सुरक्षित निकाल दिहल गईल। एही बीच नोएडा के डीएलएफ मॉल में बम के खबर भी सोझा आईल अवुरी तुरंत पूरा मॉल के खाली कs दिहल गईल। हालांकि अबे ले कवनो मॉल में बम मिले के कवनो खबर नईखे आईल। कहल जात बा कि नोएडा में मॉक ड्रिल चलत रहे. एही कारण से मॉल खाली कs दिहल गइल। एकरा संगे गुरुग्राम के मॉल में कवनो बम नईखे मिलल।