राजस्थान में 3 गो रहस्यमय मउतन से उलझल पुलिस... घर में अचके से लाग जाला आग, सच जाने खातीर जमीन से निकालल गइल लाश

राजस्थान के चुरू जिला के हमीरवास थाना क्षेत्र के भेंसली गांव में एक महीना के भीतर एके परिवार के तीन लोग के मउत हो गईल। राजस्थान पुलिस मामिला के छानबीन में जुटल बिया। घर में रहस्यमयी आग लागल बा जवना के चलते पुलिस सदमा में अवुरी चिंतित बिया। एह घटना के चलते गांव के लोग में भी दहशत मचल बा। पुलिस अधिकारी बतवले कि एs मउत के बाद घर में आग लागे के घटना अक्सर होखता। लगातार मउत अवुरी आग लागे से परिवार घबरा गईल बा। पुलिस भी आग लगला के जगह के निरीक्षण करे आईल लेकिन कुछ ना मिलल।

बच्चा के शव कब्र से बाहर निकालल गईल

थाना प्रभारी मदनलाल विष्णोई कहले कि, बियफ़ें के पुलिस एगो चार साल के बच्चा के लाश के उत्खनन कs ओकरा मउत के कारण के पता लगावे खातीर कईलस। जिला मजिस्ट्रेट के अनुमति के बाद शव निकालल गईल। पोस्टमार्टम करावल गइल आ आंत के नमूना एफएसएल लैब, जोधपुर भेज दिहल गइल बा जवना से मउत के कारण पता चल सके।

देवाल पs लटकल कपड़ा, बिछौना आ जानवरन के चारा में आग लाग जाला

उs बतवले कि 82 साल के महतारी के मउत एक फरवरी के भईल रहे। सबेरे करीब 6 बजे उल्टी हो गईल। 13 फरवरी के उनकर पोता 4 साल के गार्वित के उल्टी हो गईल। अस्पताल जाए के रास्ता में उनुकर मउत हो गईल, फेर 28 फरवरी के गार्वित के 7 साल के भाई अनुराग के भी उल्टी के बाद मउत हो गईल। घर में आग लागे के सिलसिला 29 फरवरी से शुरू भईल रहे, जवना में तीन लोग के मउत भईल रहे। कबो देवाल पs लटकल कपड़ा तs कबो बिछौना तs कबो जानवरन के चारा में आग लाग जाला। अब पुलिस एह बात के पता लगावे के कोशिश में लागल बिया कि आग केकरा लगावत बा, कइसे आ काहें लगावत बा।

घर के सब सामान निकालल गईल

भूप सिंह अपना महतारी आ बड़का बेटा के अंतिम संस्कार कइलन जबकि छोटका बेटा के लाश दफना दिहले। अधिकारी बतवले कि हमनी के लाश से सुराग खोजे के कोशिश में बानी जा अवुरी एहीसे हमनी के एकर उत्खनन कs लेले बानी। एफएसएल के रिपोर्ट के इंतजार बा। अचानक लागल आग लगला के चलते परिवार के लोग ही ना पूरा गांव में दहशत मचल बा। घर से सब सामान निकालल गईल बा। घर के बहरी पानी के टंकर लगावल गईल बा

गांव के लोग पहरा रखले बा, अबे ले पता नईखे कि आग कईसे सुरू भईल

केहू एकरा के काला जादू मानत बा तs केहू एकरा के कुछ अउर मानत बा। हालात अइसन बा कि गाँव के लोग के एहिजा पहरा देबे के पड़ेला। ग्रामीण बतवले कि भूप सिंह के घर में बेडरूम, किचन, कमरा, जानवर के चारा, नाली, ट्रंक अवुरी कपड़ा में भी आग लागल बा। रात में भी अचानक आग लागे के स्थिति में गांव के दर्जनों लोग सतर्क रहेला, लेकिन फिर भी आग लाग जाला।