बादल फटले से श्रीनगर कारगिल हाईवे बाधित, सैलाब के चपेट में आइल कईयो वाहन

देश के उत्तरी पहाड़ी राज्यन में प्रकृति के तबाही जारी बा. उत्तराखंड अवुरी हिमाचल में भईल भारी बरखा के चलते भईल तबाही के सिलसिला अबे ले नईखे रुकल अवुरी अब जम्मू-कश्मीर में बादल फटला के खबर बा। जानकारी के मुताबिक चेरवान कंगन इलाका में बादल फटला के बाद श्रीनगर-कारगिल सड़क जाम हो गईल। सड़क साफ करे के काम चलता। लोग के एह रूट से ना जाए के सलाह दिहल गईल बा।

बालटाल मार्ग से होके यात्रा स्थगित

अधिकारी यात्री लोग के सलाह देले बाड़े कि जब ले सड़क ना खुल जाई तब ले एs रूट पs यात्रा से बचे के चाही। बता दीं कि राज्य में आजुकाल्हु अमरनाथ यात्रा चल रहल बा. एह यात्रा खातिर भारी संख्या में तीर्थयात्री राज्य के ओर जात बाड़े। कड़ा सुरक्षा के बीच पंथा चौक बेस कैंप से पहलगाम यात्रा बेस कैंप के ओर तीर्थयात्री के एगो अवुरी बैच रवाना हो गईल। खराब मौसम के चलते बालटाल रूट से सफर स्थगित हो गईल बा।

गांदरबल के एडीसी गुलजार अहमद बतवले कि बादल फटला के घटना देर रात भईल। इहाँ भारी मात्रा में मलबा जमा हो गईल बा। शुक्र बा कि केहू के मउत नइखे भइल. हमनी के प्राथमिकता सड़क साफ कईल बा ,हमनी के ओ लोग के बचा लेले बानी जा, जिनकर घर मलबा से टकरा गईल बा अवुरी सुरक्षित जगह पs ले गईल बानी। जिला पुलिस, प्रशासन आ निजी प्रतिष्ठान मिलजुल के काम कs रहल बा. हमनी के आज ही एकरा के साफ करे में सक्षम होखब जा।