यूपी विधानसभा से सीएम योगी आदित्यनाथ : 'विपक्ष सदी के सबसे बड़ घटना पs कुछु नाहीं बोलले, इधर-उधर भटकत रहले'

यूपी विधानसभा में राज्यपाल के संबोधन पs भईल चर्चा के जवाब सीएम योगी आदित्यनाथ दे रहल बाड़े। अपना संबोधन में सीएम योगी कहले कि विकसित भारत हमार प्रतिबद्धता हs। समाजवादी पार्टी के नेता अवुरी यूपी के सीएम रहल अखिलेश यादव पs निशाना साधत उs कहले कि, अखिलेश अपना भाषण से ध्यान भटकावेले, उनुकर बात तथ्य से रहित बा। सपा-बसपा उत्तर प्रदेश में पहचान संकट पैदा कs दिहले बा।

सीएम योगी आगे कहले, हर सनातनी राम मंदिर के निर्माण से खुश बा लेकिन सदी के सबसे बड़ घटना पs विपक्ष कुछ ना कहलस, बस इधर-उधर भटकत रहल। उs कहले कि राम मंदिर पहिले बने के चाहत रहे।

अखिलेश योगी सरकार के खिलाफ गरजले

बता दीं कि एकरा से पहिले यूपी विधानसभा के बजट सत्र के दौरान अखिलेश यादव भाजपा अवुरी योगी सरकार पs कड़ा हमला कईले। अखिलेश कहले कि भाजपा किसान के धोखा देले बिया। का सरकार राज्य में कवनो नया बाजार स्थापित कइले बिया? इs पहिला सरकार हs जवना के तहत जब किसान तीन गो करिया कानून के खिलाफ बोलले तs करीब 1000 किसान के जान चल गईल। किसानन के आमदनी दुगुना करे के उनकर का फार्मूला बा?"