सीएम योगी 2 मार्च के अइहें गोरखपुर, 1007 करोड़ के प्रोजेक्ट गिफ्ट करीहें
गोरखपुर में भइल. मुख्यमंत्री योगी आदित्यनाथ दू मार्च के दू दिन के दौरा पs गोरखपुर अइहें । एह दौरान योगी जिला के 1007 करोड़ रुपया के विकास परियोजना उपहार में दिहे आ ताल नदौर में पशु चिकित्सा विज्ञान कॉलेज के शिलान्यास करीहे।
मुख्यमंत्री योगी 2 मार्च के गोरखपुर पहुंच जइहें। महंत दुपहरिया में दिग्विजयनाथ पार्क में आयोजित कार्यक्रम में शामिल होखीहें । इहाँ उऽ 1007 करोड़ रुपया के 49 विकास परियोजना के उद्घाटन अवुरी शिलान्यास करीहे। एहमें 954 करोड़ से अधिका के 35 गो परियोजना के शिलान्यास आ 53 करोड़ से अधिका के 14 गो परियोजना के उद्घाटन शामिल बा। उद्घाटन आ शिलान्यास भईल परियोजना में बाढ़ सुरक्षा, फ्लाईओवर, सड़क अवुरी नाली के निर्माण, कलेक्टरेट परिसर में डिजिटल पुस्तकालय के निर्माण, पुलिस प्रशिक्षण स्कूल में आवासीय आ गैर आवासीय भवन के निर्माण, एमईएस कार्यालय के शिफ्टिंग, पर्यटन विकास के काम शामिल बा।
सीएम 3 मार्च के दुपहरिया में ताल नदौर में पशु चिकित्सा विज्ञान महाविद्यालय के निर्माण खातिर भूमि पूजन करीहें । ई कॉलेज पंडित दीनदयाल उपाध्याय पशु चिकित्सा विज्ञान विश्वविद्यालय आ गाय अनुसंधान संस्थान, मथुरा से जुड़ल होई। एकरा निर्माण से पूर्वी उत्तर प्रदेश, पश्चिम बिहार अवुरी पड़ोसी देश नेपाल के पशुपालक के बहुते फायदा होई। विचार बा कि बाद में एह कॉलेज के विश्वविद्यालय में विकसित कइलऽ जाव ।
कॉलेज 80 एकड़ जमीन प बनल होई, 228 करोड़ रुपया के लागत आई
गोरखपुर-वाराणसी राजमार्ग पर स्थित ताल नदौर में पशु चिकित्सा विज्ञान महाविद्यालय खातिर 80 एकड़ जमीन के पहचान कइलऽ गइलऽ बा। पहिला चरण के निर्माण में 228 करोड़ रुपया के लागत आई। निष्पादक एजेंसी के रूप में लोक निर्माण विभाग के जिम्मेदारी दिहल गईल बा। कॉलेज परिसर में अस्पताल ब्लॉक, अकादमिक ब्लॉक, स्टाफ क्वार्टर, हॉस्टल, पशु चिकित्सा विज्ञान से जुड़ल विभिन्न विषय के शोध अध्ययन केंद्र जईसन बुनियादी सुविधा के संगे-संगे स्थापित कईल जाई। कॉलेज परिसर के विकास 'नेट जीरो' के अवधारणा प कईल जाई। शुरुआती चरण में स्नातक स्तर पs 100 छात्र के दाखिला के इंतजाम होई।