31 दिसंबर ले पूरा हो जाई राम मंदिर के निर्माण, फर्स्ट फ्लोर पऽ सुरक्षा रेलिंग बनावे के तइयारी
मंदिर ट्रस्ट के सदस्य डॉ. अनिल मिश्रा बतवले मंदिर के अभयारण्य के दीवार पs पत्थर बिछावे के काम पूरा हो चुकल बा। पहिला मंजिल के निर्माण अंतिम चरण में चल रहल बा। फर्श पs पत्थर बिछावे के कामो पूरा हो रहल बा।
अयोध्या : राम मंदिर निर्माण समिति के दु दिन के बैठक शनिवार के मंदिर परिसर में शुरू भइल। जवना में मंदिर के निर्माण के काम के निरीक्षण कइल जाता आ एकरा के पूरा करे खातिर सभ तैयारी के मंथन कइल जाता। राम मंदिर निर्माण समिति के बैठक के अध्यक्षता समिति अध्यक्ष नृपेंद्र मिश्रा कइले।
उऽ कहले कि बइठक में निर्माण से जुड़ल सब बिन्दु पs अंतिम फैसला लिहल जाता ताकि मंदिर के निर्माण में आउर बाधा के गुंजाइश ना होखे। उऽ बतवले कि मंदिर के निर्माण के काम 31 दिसंबर 2024 तक पूरा हो जाई। देवाल के काम में कुछ आउर समय लाग सकऽता। हालांकि दिसंबर 2025 तक कैंपस के सभ निर्माण पूरा हो जाई।
शेषवतार मंदिरन के साथे आउर मंदिरन के निर्माण
सप्तमण्डप के सात गो मन्दिर आ परकोटा मे 6 गो देवी देवी मंदिर के निर्माण कार्य तेजी से सम्पन्न हो रहल निर्माण समिति के अध्यक्ष बतवनी । राम मंदिर के दक्खिन आ पच्छिम ओर शेषवतार मंदिर के निर्माण भूमि पूजन से शुरू हो गइल बा। ई मंदिर शेषवतार के लक्ष्मण जी के हऽ, जवना के पूरा भव्यता के संगे नया डिजाइन पs फेर से बनावल जा रहल बा। मंदिर परिसर में मंदिर ट्रस्ट के प्रशासनिक भवनो बनावे के प्रस्ताव बा। शेषवतार मंदिर के निर्माण अइसन होई कि एकर ऊँचाई रामलाला के कुरसी के ऊँचाई के बराबर होखे। वास्तु के नजरियो से एकरा के उचित मानल जाला।
उ कहले कि पहिला मंजिल पs राम दरबार के संगे-संगे खाली संगमरमर से बनल मूर्ति के पार्कोटा आ परिसर के बाकी सब मंदिर में लगावल जाई। खाली रामलाला के मूर्ति करिया पत्थर से बनल बा। नवंबर 2024 तक इहाँ पहुंचे वाली सब मूर्ति बनावे के आदेश दिहल गइल बा। संगमरमर के मूर्ति जयपुर के कारीगर लोग तैयार कर रहल बा।