हरियाणा के करनाल में पटरी पs लड़खड़ाईल मालगाड़ी, कंटेनर के गिरले से आवाजाही पs पड़ल असर

करनाल : हरियाणा के करनाल जिला के तरावड़ी के नजदीक मंगल के सबेरे मालगाड़ी के कुछ कंटेनर पटरी पs गिर गईल, जवना से रेल यातायात बाधित हो गईल। एकरा बारे में जानकारी देत ​​सरकारी रेल पुलिस के एगो अधिकारी बतवले कि इs ट्रेन अंबाला से दिल्ली जात रहे। अधिकारी बतवले कि मालगाड़ी से 8 कंटेनर गिर गईल अवुरी एकर कारण के जाँच रेलवे अधिकारी करतारे। रेल पटरी पs कंटेनर गिरला से अम्बाला-दिल्ली मार्ग पs रेल यातायात प्रभावित भइल बा। बतावल जा रहल बा कि जल्दिये एह रूट पs यातायात सामान्य हो जाई.

क्रेन के मदद से कंटेनर निकालल जा रहल बा

अबे ले मिलल जानकारी के मुताबिक अम्बाला से दिल्ली जाए वाली मालगाड़ी बेकाबू हो गईल रहे जवना के चलते ओकरा पs राखल कंटेनर गिर गईल। मालगाड़ी के पहिया के धुरा भी टूट के साइड में गिर गईल। मामला के जानकारी मिलते रेलवे कर्मचारी अवुरी अधिकारी मौका पs पहुंचले अवुरी राहत के काम शुरू हो गईल। कर्मचारी क्रेन के मदद से पटरी पs गिरल कंटेनर के निकाले लगले। घटना के जानकारी देत ​​आरपीएफ के अधिकारी बलबीर सिंह कहले कि राहत के काम शुरू हो गईल बा अवुरी एs घटना में कवनो नुकसान नईखे पहुंचल।

पंजाब में 2 मालगाड़ी के टक्कर

बता दीं कि जून में सरहिंद रेलवे स्टेशन पs खड़ा मालगाड़ी से एगो अउरी मालगाड़ी टकरा के दू गो लोको पायलट घायल हो गइल रहले. सरकारी रेल पुलिस के एगो अधिकारी बतवले रहले कि, टक्कर के चलते एक के इंजन दूसरा पटरी पs चल गईल अवुरी एगो यात्री के ट्रेन से कचरा गईल। एकरा संगे मई में महाराष्ट्र के पालघर रेलवे स्टेशन पs एगो मालगाड़ी के पटरी से उतरला के चलते पश्चिमी रेलवे के बहुत ट्रेन के संचालन रद्द करे के पड़ल अवुरी बहुत ट्रेन के समय में भी बदलाव करे के पड़ल। ई मालगाड़ी विशाखापट्टनम से गुजरात के करम्बेली जात रहे आ एह घटना में कवनो तरह के जानमाल के नुकसान ना भइल.