मुरादाबाद में क्रूरता : बलात्कार पीड़ित नर्स के हालत फिर से बिगड़ गइल, उच्च केंद्र में रेफर... डीजीपी रिपोर्ट मंगले

मुरादाबाद के ठाकुरद्वारा स्थित निजी अस्पताल में बलात्कार पीड़ित नर्स के हालत अचानक बिगड़ गइल। परिवार के लोग उनका के इलाज खातीर स्थानीय अस्पताल ले गइले । जहां से पीड़िता के उच्च केंद्र में रेफर कs दिहल गइल बा। बर्बरता के ई मामिला पुलिस मुख्यालय तक पहुंच गइल बा। डीजीपी एह मामिला के पूरा रिपोर्ट करावे के आह्वान कइले बाड़न।

ठाकुरद्वारा बलात्कार पीड़ित नर्स के हालत अचानक फिर से बिगड़ गइल। गुरुवार के सबेरे उनका के शहर के सरकारी अस्पताल में भर्ती करावल गइल। एकरा से पहिले अस्वस्थता के चलते पीड़िता के बुधवार के रात काशीपुर के एगो निजी अस्पताल पहुंचावल गइल। जहां डाक्टर ओकरा के भर्ती करे से मना कs देले, दवाई देके घरे भेज देले।

डीजीपी कार्यालय से रिपोर्ट मांगल गइल बा। पुलिस अधिकारी ए कार्रवाई आ जांच के संबंध में अभी तक रिपोर्ट तैयार कs के भेजले बाड़े। अब एसपी देहत संदीप कुमार मीना के देखरेख में जांच हो रहल बा। ऊ रोज ए मामला के समीक्षा करीहे।

एकरा अलावे डीजीपी कार्यालय से भी प्रगति रिपोर्ट मांगल गइल बा। पुलिस अधिकारी के लक्ष्य इहे बा कि हर पहलू के पूरा तरीका से जांच कइला के बाद एक सप्ताह के भीतर कोर्ट में आरोप पत्र दाखिल कs दिहल जाए। दिलरी थाना क्षेत्र के गांव में रहेवाला नर्स के पिता 18 अगस्त के ठाकुरद्वारा थाना में मामला दर्ज करवले रहले। जवना में बतावल गइल कि उनकर बेटी दस महीना से ठाकुरद्वारा के एगो निजी अस्पताल में नर्स के काम करत रहली।

नर्स मेहनाज शनिचर के रात करीब साढ़े बारह बजे उनका लगे अइल। ऊ कहलख कि अस्पताल के ऊपरी मंजिल प डॉ. शाहनवाज फोन करतारे। पीड़िता जब जाए से मना कs देलस तs वार्ड बॉय जुनैद जबर्दस्ती घसीट के ले गइल। एकरा बाद आरोपी डॉक्टर पीड़िता के संगे दुष्कर्म कइलख। सीओ ठाकुरद्वारा राजेश कुमार मामला के छानबीन करत बाड़े।

डीजीपी कार्यालय से प्रगति रिपोर्ट भी मांगल गइल बा। एसएसपी सतपाल अंटिल कहले कि एसपी देहात के देखरेख में मामला के जांच हो रहल बा। एह मशहूर मामला के जांच के रोज समीक्षा होखता। एह मामिला में जल्दिए आरोप पत्र दायर कइल जाई।

पीड़िता के मदद मिली, पुलिस फाइल भेज देलस

पुलिस एगो फाइल तैयार क के जिला प्रशासन के भेज देले बिया ताकि बलात्कार पीड़िता के सरकार से अनुदान मिल सके। सीओ राजेश कुमार बतवले कि अनुदान के पहिला किस्त लेवे खातीर फाइल तैयार कs के पीड़िता के भेज दिहल गइल बा। आरोप पत्र दाखिल होखला के बाद अनुदान के दूसरा किस्त खातीर फाइल भेजल जाई। पीड़िता आ ओकरा परिवार के सुरक्षा खातीर पुलिसकर्मी लगातार घर के निगरानी में जुटल बाड़े।

फोरेंसिक लैब से रिपोर्ट अइला के बाद चार्जशीट दायर कइल जाई।

ठाकुरद्वारा नगर के एगो निजी अस्पताल में नर्स के संगे बलात्कार के मामला में पुलिस कोर्ट में आरोप पत्र दाखिल करे के प्रक्रिया तेज कs देले बिया। अस्पताल के डॉ. शाहनवाज पs अस्पताल के नर्स अवुरी वार्ड बॉय के मदद से बलात्कार के आरोप बा। तीनों के खिलाफ एससी-एसटी एक्ट, बलात्कार आ बाकी धारा के तहत रिपोर्ट दर्ज करावल गइल बा। सीओ राजेश कुमार मामला के जांच में जुटल बाड़े।

ऊ कहले कि आरोपी के खिलाफ आरोपपत्र दर्ज करावे के प्रक्रिया तेजी से चलता। आरोपी डॉक्टर अवुरी पीड़िता के कपड़ा के फोरेंसिक लैब में जांच कइल जाता। दू-तीन दिन में रिपोर्ट अइला के बाद आरोपी का खिलाफ कोर्ट में आरोप पत्र दायर कइल जाई । एह मामिला के मुकदमा अदालत में शुरू कर दिहल जाई ।

दूसर ओर एसडीएम मणि अरोड़ा के कहनाम बा कि स्वास्थ्य विभाग डॉ. शाहनवाज के डिग्री के जांच कर रहल बा। इलाका में अवैध तरीका से चले वाला अस्पताल, पैथोलॉजी लैब आ क्लिनिक आदि के सूची भी तैयार कइल जाता। एह लोग के जाँच कर के कार्रवाई कइल जाई ।