मणिपुर में नईखे रुकत प्रदर्शन, तीन जिलन में लगावल गइल कर्फ्यू

मणिपुर में शांति बहाल करे के मांग में लगातार विरोध प्रदर्शन हो रहल बा। अब राज्य के तीन जिला में कर्फ्यू लगा दिहल गइल बा. इंफाल पूर्व आ पश्चिम जिला में लोग के घर से बाहर ना निकले खातिर अनिश्चित काल ले कर्फ्यू लगावल गइल बा जबकि थौबल में भारतीय नागरिक रक्षा संहिता (बीएनएसएस) के धारा 163 (2) के तहत निषेधात्मक आदेश लगावल गइल बा। जिला मजिस्ट्रेट के ओर से जारी आदेश में कहल गईल बा कि, "जिला में कानून व्यवस्था के स्थिति बिगड़ला के चलते 10 सितंबर के सबेरे 11 बजे से तत्काल प्रभाव से कर्फ्यू में ढील से जुड़ल पहिले के आदेश रद्द कs दिहल गईल बा, एहसे आगे के आदेश ले तुरंत प्रभावी होई।" ." "इंफाल पूर्व जिला में पूरा कर्फ्यू लगा दिहल गइल बा."

पहिले के सभ ऑर्डर निरस्त

इंफाल पूर्व के जिला मजिस्ट्रेट के ओर से जारी एगो अवुरी आदेश में कहल गईल कि, "10 सितंबर के कर्फ्यू में ढील देवे के अवधि आज सबेरे 11 बजे से लागू हो गईल बा, जवन कि पहिले के सभ आदेश के निरस्त कs दिहल बा।" आदेश में कहल गईल कि, पछिला साल एक सितंबर से लोग के अपना-अपना आवास से बहरी जाए पs रोक हटा दिहल गईल। पहिले 10 सितंबर के कर्फ्यू में छूट सबेरे 5 बजे से रात 10 बजे ले रहे, बाकिर ताज़ा आदेश से एकरा के खतम कs दिहल गईल। हालांकि मीडिया, बिजली, कोर्ट, स्वास्थ्य समेत जरूरी सेवा के कर्फ्यू से बाहर राखल गईल बा।