Delhi Assembly Election 2025: AAP लगवलस केजरीवाल पs बनल डॉक्यूमेंट्री के स्क्रीनिंग रोकले के आरोप, दिल्ली पुलिस दिहलस जवाब
आम आदमी पार्टी दिल्ली पुलिस पs आरोप लगवले बिया कि पूर्व मुख्यमंत्री अरविंद केजरीवाल पs बनल 'डॉक्यूमेंट्री' के स्क्रीनिंग ना होखे देले। पार्टी के दावा बा कि दिल्ली पुलिस के अनुमति ना मिलला के चलते डॉक्यूमेंट्री के प्रदर्शन रद्द करे के पड़ल।बता दीं कि एह डॉक्यूमेंट्री के प्रदर्शन प्यारेलाल भवन में दुपहरिया के करीब बारह बजे होखे वाला रहे. खबर के मुताबिक ए डॉक्यूमेंट्री में देखावल गईल कि अरविंद केजरीवाल के जेल गईला के बाद पार्टी कईसे चलत रहे, अवुरी उनुका बाहर अईला के बाद का भईल।
दुर्भाग्य से हमनी के एकरा के रद्द करे के पड़ता'
स्क्रीनिंग रद्द होखे के जानकारी देत आम आदमी पार्टी कहलस कि, 'हमनी के इs बतावत अफसोस बा कि दिल्ली पुलिस आज हमनी के ओर से जारी होखेवाला डॉक्यूमेंट्री के स्क्रीनिंग खातीर अनुमति ना देले बिया। दुर्भाग्य से हमनी के एकरा के रद्द करे के पड़ी, बाकिर हमनी के एकरा के फेर से शेड्यूल कs देब अवुरी हमनी के एकरा के कवनो कीमत पs जारी कs देब। हमनी के एह बारे में रउरा सभे के जानकारी देत रहब जा। असुविधा खातिर माफी चाहब।' आम आदमी पार्टी के आरोप पs दिल्ली पुलिस भी बयान जारी कईले बिया।
‘ई दिशानिर्देश के उल्लंघन होई’
एकरा संगे दिल्ली पुलिस आम आदमी पार्टी के आरोप के खारिज करत कहलस कि एs आयोजन खातीर डीईओ कार्यालय से कवनो अनुमति ना लिहल गईल। दिल्ली पुलिस कहलस कि, 'जब से चुनाव घोषित हो गईल बा, एहसे राजनीतिक दल के डीईओ कार्यालय (यानी डीएम कार्यालय) में सिंगल विंडो सिस्टम के माध्यम से अनुमति खातीर आवेदन करे के होई। चुनाव के दौरान इs एगो मानक प्रक्रिया हs। उक्त आयोजन खातिर अइसन कवनो अनुमति ना लिहल गइल आ एहसे ई दिशानिर्देश के उल्लंघन होखी. हम सभे दल से निहोरा करतानी कि एs समय चुनावी नियम कानून के पालन कईल जाए।
इहो पढ़ीं: सबेरे-सबेरे: डिनर कइले के बाद जरूर करीं इs काम,धीरे-धीरे कम हो जाई राउर वजन
