दिल्ली में झुग्गी बस्तियन के प्रधान से मुलाकात करिहें अमित शाह, आज जारी हो सकेला BJP के दूसरका लिस्ट
दिल्ली विधानसभा चुनाव के लेके राजनीतिक उत्साह बढ़ गईल बा, अवुरी एs क्रम में शनिचर के भाजपा के एगो महत्वपूर्ण बैठक होखे वाला बा। खबर के मुताबिक गृहमंत्री अमित शाह आजु दिल्ली के झुग्गी-झोपड़ी के मुखिया लोग से भेंट करीहें. एह बइठक में झुग्गी-झोपड़ी के करीब 3000 प्रतिनिधियन से बात कइल जाई. दिल्ली के चुनाव में भाजपा के रणनीति के हिस्सा के तौर पs एs बैठक के महत्वपूर्ण मानल जाता, काहेंकी पार्टी दिल्ली के गरीब अवुरी मजदूर वर्ग के जोड़े के कोशिश करतिया। एकरा संगे दिल्ली भाजपा दुपहरिया बारह बजे चुनावी गीत के शुभारंभ भी करी जवन चुनाव प्रचार के अवुरी गति देवे खातीर एगो महत्वपूर्ण कदम होई।
भाजपा लगातार पूर्वांचली मतदाता के मुद्दा उठावत बिया
मानल जाता कि पार्टी आज भी आपन दुसरका उम्मीदवार के सूची जारी कs सकता। एक ओर आम आदमी पार्टी फेर से चुनाव में जीत के दावा करतिया तs दोसरा ओर भाजपा 27 साल से सत्ता से बाहर रहला के बाद पूर्वांचली मतदाता के अपना ओर ले आवे के पूरा कोशिश करतिया। एकरा खातिर भाजपा पूर्वांचली मतदाता के अपमान करे के मुद्दा पs विरोध करतिया, ताकि इs समुदाय अपना ओर आकर्षित हो सके।
भाजपा उम्मीदवारन के दूसरका सूची आजु आ सकेला
खबर के मुताबिक आजु भाजपा के दुसरका उम्मीदवार के सूची भी जारी हो सकता। शुक के नई दिल्ली में भाजपा मुख्यालय में प्रधानमंत्री नरेंद्र मोदी के अध्यक्षता में एगो महत्वपूर्ण बैठक भईल, जवना में गृहमंत्री अमित शाह, रक्षा मंत्री राजनाथ सिंह, भाजपा अध्यक्ष जेपी नड्डा, दिल्ली भाजपा अध्यक्ष वीरेंद्र सचदेवा अवुरी बाकी बड़ नेता भाग लिहले बाड़न. एह बइठक में दिल्ली के बाकी 41 सीट पs उम्मीदवारन के नाव पs चरचा भइल. मानल जाता कि आज भाजपा एs 41 सीट पs उम्मीदवार के नाव के घोषणा कs सकता। पिछला हफ्ता भाजपा 29 गो उम्मीदवारन के पहिला सूची जारी कइले रहुवे.
पीएम मोदी कार्यकर्ता लो से अउरी मेहनत करे के अपील कइलन
भाजपा मुख्यालय में भईल महत्वपूर्ण बैठक के दौरान प्रधानमंत्री नरेंद्र मोदी पार्टी के नेता लोग से अवुरी मेहनत करे के अपील कईले। बता दीं कि 2020 में भइल पिछला विधानसभा चुनाव में आम आदमी पार्टी 70 में से 62 सीट जीत के शानदार सफलता हासिल कइले रहुवे. एकरा संगे भाजपा के संख्या 2015 में 3 विधायक से बढ़ा के 8 कs देले रहे। कांग्रेस के खाता ना तs 2015 में खुलल रहे ना 2020 में खोलल जा सकत रहे। हालांकि अबकी बेर राजनीतिक हालात अलग बा अवुरी तीनों पार्टी दिल्ली के गढ़ जीते खातीर पूरा मेहनत करतारे।