5 फरवरी के होई दिल्ली विधानसभा चुनाव, परिणामन के घोषणा 8 फरवरी के
Delhi Assembly Election 2025: दिल्ली विधानसभा चुनाव के तारीखन के घोषणा से पहिले चुनाव आयोग के चीफ दिल्ली वालन के जादे से जादे वोट कइल जाये के उम्मीद जतवलें। संगही ऊ ईवीएम पs लागे वाला आरोपन के खंडनो कइलें।
एके चरण में होई मतदान
चुनाव आयोग दिल्ली विधानसभा चुनाव 2025 के तारीखन के ऐलान कs देले बा। चुनाव पांच फरवरी के एके चरण में होई। चुनाव के नतीजा आठ फरवरी के घोषित कइल जाई।
12 सीट अनुसूचित जाति खातिर आरक्षित
दिल्ली में कुल 13,033 पोलिंग स्टेशन बा। दिल्ली में 12 सीट अनुसूचित जाति खातिर संरक्षित बा। दिल्ली में कुल 1.55 करोड़ मतदाता बा लो। एमे से दिल्ली में 83.49 लाख पुरुष आ 71.74 लाख महिला मतदाता बा लो। दिल्ली में 2.08 लाख लोग पहिला बेर मतदान करी लो। दिल्ली में 25.89 लाख नवहा मतदाता (20-29 आयु) के बा लो।
देस में साढ़े 10 लाख बूथ बा। हर बूथ पs 4-5 पोलिंग ऑफिसर होला लs, तs कुल मिलाके 40-50 लाख पोलिंग ऑफिसर असाइंड होला लो। सब सवालन के जवाब देवे से पहिले चीफ एगो शायरी पेश करत कहलें कि “सब सवाल अहमियत रखत बा, जवाब तs बनत बा। आदतन कलम बंद जवाब देते रहे, आज रूबरू बनत बा। का पाता हमनी के काल्ह होखेम सs कि ना, आज जवाब तs बनत बा।”
सवाल आ चुनाव आयोग के जवाब
- आगे मुख्य चुनाव आयुक्त राजीव कुमार कहलें कि अदालत 42 मवकन पs फैसला सुनवले बा कि ईवीएम हैक नइखे कइल जा सकत बा आ छेड़छाड़ के आरोप पूरा तरे निराधार बा।
- सांझ पांच बजे के बाद मतदान बढ़ला पs सीईसी कहलस कि, मतदान के आंकड़न के बदलल असंभव बा, सांझ पांच बजे के बाद मतदान बढ़ला पs गलत कहानी फइलावल जा रहल बा।
- चुनाव आयोग कहलस कि ईवीएम मतदान के दिन से खाली 7-8 दिन पहिले कमीशन कइल जाला आ उम्मीदवारन के हर डेग पs ओह लोगन के एजेंटन के माध्यम से सूचित कइल जात बा।
गड़बड़ियन के गुंजाइश नइखे
मुख्य निर्वाचन आयुक्त कहलें कि मतदाता सूची तइयार कइला के हर चरण में राजनीतिक दल सामिल होला। ऊ आगे कहलें कि मतदाता सूचियन के हटावे भा जोड़े में उचित प्रक्रिया के सख्ती से पालन कइल जाला, एहिसे कवनो हेरफेर खातिर कवनो जगह नइखे। मतदाता सूची में अभियो खबर चल रहल बा, एमे करीब 70 सीढ़ी बा… मतदाता सूची, चुनाव प्रक्रिया, ईवीएम, मतदान केंद्र, फॉर्म 17 (सी), मतगणना केंद्र, जहां राजनीतिक दल आ उम्मीदवार हमनी के संगे मवजूद बा लो। जब कबो मतदाता सूची बनेला, नियमित बइठक होला, ई फॉर्म छव के बिना नइखे कइल जा सकत बा। हर हिस्सा के बीएलए नियुक्त करे के अधिकार नइखे। जवन दावा आ आपत्तियन के उठावल जाला, ओकरा के एके समय में हर राजनीतिक दल के साथ साझा कइल जाला।
तीसरका पारी होई आम आदमी पार्टी के
दिल्ली विधानसभा चुनाव में आम आदमी पार्टी (आप), भारतीय जनता पार्टी (भाजपा) आ कांग्रेस के बीच त्रिकोणीय मुकाबला देखे के मिल रहल बा। अरविंद केजरीवाल के नेतृत्व वाला आम आदमी पार्टी अपना पिछलका चुनावी सफलतन के आधार पs लगातार तीसरका कार्यकाल के लक्ष्य रखी। अरविंद केजरीवाल के नेतृत्व वाली आम आदमी पार्टी (आप) 62 सीट जीतके 2020 में दिल्ली में सत्ता में वापसी कइले रहे।
