Deoria News: हमनी के केहू कुछो नुकसान ना पहुंचा पाई, देवरिया जिला के बदमाश के वीडियो वायरल हो गइल
रफ्ता गिरोह पुलिस के सिरदर्द बन गइल बा, सोशल मीडिया से आतंक के माहौल पैदा हो रहल बा
संवाद न्यूज एजेंसी ; रफ्तार गिरोह से जुड़ल बदमाश के वीडियो सोशल मीडिया पs वायरल होखता। एहमें सब नवहन खुलेआम पुलिस के चुनौती दे रहल बाड़न सs । वायरल होखत वीडियो में सब लोग चलत गाड़ी के बहरी ' केहू कुछू बिगाड़ ना पाई हमार, बदमाश हैं जिला देवरिया के' गाना प मौज करत देखाई देतारे सs । जवना पर चर्चा चल रहल बा। खबर भोजपुरी ई वीडियो के सत्यापन नइखे करत।
रफ्तार गिरोह के बदमाश के अलग-अलग वीडियो सोशल मीडिया पs नियमित अंतराल पs वायरल होखता। लोग के मुताबिक रफ्तार जेल से बाहर बा। गुंडा कार्रवाई के बाद के फरार बा। लोग के कहनाम बा कि वायरल वीडियो में बदमाश पुलिस के खुल के चुनौती देत देखाई देता। 16 घंटा पहिले किंग ऑफ 307 गैंगस्टर साइट के वीडियो सोशल मीडिया पs वायरल हो गइल रहे। एहमें तीन गो नवही बाइक सवार सड़क पs लउकत बाड़े जबकि चार गो नवही चलत गाड़ी में सवार होके गीत के बोल पर आपन प्रस्तुति देत लउकत बाड़े सs । बदमाश के उमर 16, 18, 20, 22 बतावल जाता। एह लोग के ख़ौफ के माहौल बनावे के वीडियो अक्सर सोशल मीडिया पर वायरल होखत रहेला।
हालांकि रेस्टोरेंट मैनेजर के बाइक लूट के मामला में रफ्तार गिरोह के कुछ सदस्य के शामिल होखे के भी खुलासा भइल। सीओ आदित्य कुमार गौतम बतवले कि पोस्ट भइल वीडियो के जांच कइल जाई। ई कब भइल आ कहाँ से वायरल भइल? जवना के आधार पs कार्रवाई कइल जाई।