सबेरे-सबेरे: धनुरासन योग कइले से होला बहुत फायदा, जानीं अभ्यास के तरीका आ लाभ
विशेषज्ञ नियमित योग अभ्यास के आदत सगरी शारीरिक अवुरी मानसिक फिटनेस खातीर बहुत फायदेमंद मानतारे। मानसिक अवुरी शारीरिक दुनो प्रकार के निमन स्वास्थ्य के बनावे राखे खातीर योग जरूरी मानल जाला। योग आसन के स्वास्थ्य लाभ शारीरिक निष्क्रियता बढ़े के खतरा के कम करे में अवुरी विभिन्न बेमारी के बचाव में भी कारगर हs.
धनुरासन अपने आप में बहुत उन्नत योग मुद्रा हs। नियमित अभ्यास के कुछ दिन के भीतर आप एs योग के सकारात्मक प्रभाव के अनुभव शुरू कs सकतानी। हालांकि ध्यान रहे कि धनुरासन के लाभ पावे खातीर एकर सही अवुरी रोज अभ्यास करे के जरूरत बा। एह योग के फायदा आ एकर अभ्यास के तरीका के बारे में विस्तार से जानीं.
धनुरासन योग के अभ्यास कईसे कईल जाला?
धनुरासन योग के अभ्यास आसान बा बाकिर एकरा खातिर रउरा से बेहतर एकाग्रता आ शारीरिक संतुलन के जरूरत होला. लइकन से लेके बुजुर्ग ले सभे एह योग के अभ्यास कs सकेला आ एकर लाभ भी पा सकेला। धनुरासन योग के अभ्यास करे खातिर पहिले पेट पs लेट के हाथ पैर के नजदीक राखे के चाही। अब घुटना मोड़ के पकड़ लीं। साँस लेत घरी छाती उठा के हाथ से गोड़ खींच लीं। साँस के गति पs ध्यान दीं। 15-20 सेकंड तक एs स्थिति में रहीं अवुरी ओकरा बाद सामान्य स्थिति में आ जाईं।
धनुरासन योग के का फायदा बा?
धनुरासन योग के सही तरीका से अभ्यास कईला से आपके स्वास्थ्य के बहुत प्रकार से फायदा हो सकता। एकर नियमित अभ्यास करीं..
१-पेट के मांसपेशी के खिंचाव से पाचन में सुधार करेला।
२- टखना, जांघ, छाती, गर्दन अवुरी कंधा के ताकत में सुधार करेला।
३-पीठ के टोनिंग करत रीढ़ के हड्डी के लचीलापन में सुधार करेला।
४-छाती के फैलाए में मदद करेला जवना से सांस लेवे में आसानी होखेला।
५-गर्दन के तनाव कम करे के संगे गर्दन अवुरी पीठ के दरद ठीक करे में मदद करेला।
६-योगासन से पैर के मांसपेशी में तनाव कम हो जाला।
अस्वीकरण: ई लेख योगगुरु के सुझाव के आधार पs तइयार कइल गइल बा। मुद्रा के सही स्थिति के बारे में जाने खातिर आप कवनो विशेषज्ञ से संपर्क कs सकतानी।