दिलीप कुमार खातीर जब हिट फिलिम कुल बन गईल सजा, जानीं अभिनेता के काहे कहल जाला ट्रेजेडी किंग?

दिलीप कुमार हिन्दी सिनेमा के ऊ स्टार हउवें जे शायद आजु एह दुनिया में ना होखसु बाकिर अपना किरदारन के माध्यम से ऊ दर्शक आ अपना प्रशंसकन के दिल में आजुओ जिन्दा बाड़े. दिलीप कुमार ओह गिनल चुनल सितारन में से एक रहलें जे अपना जियत दर्शकन के ना खाली दीवाना बना के रखले रहलें बलुक एह दुनिया से जइले के बादो लोकप्रियता कायम बा. आज 11 दिसम्बर के दिलीप कुमार के 102वां जयंती हs। अपना लमहर फिल्मी कैरियर में ई अभिनेता कई गो हिट आ सुपरहिट फिलिम दिहलें. दिलीप कुमार के एगो बात मशहूर रहे कि ऊ हमेशा ओह फिलिमन के पसंद करत रहले जवन उनुका अभिनय क्षमता से न्याय कs सके. आज दिलीप कुमार जी के जयंती हs, एह मौका पs आईं उनुका से जुड़ल कुछ रोचक बात जानल जाव।

दिलीप कुमार के जन्मदिन

दिलीप कुमार के जनम 11 दिसंबर 1922 के ब्रिटिश राज के दौरान पेशावर में भईल रहे, जवन कि अब पाकिस्तान में बा। उनकर असली नाम मोहम्मद यूसुफ खान रहे जे पेशावर से पुणे आइल रहले ड्राई फ्रूट के सप्लाई करे खातिर. दिलीप कुमार के अभिनय में रुचि शुरू से ही रहे, एहसे अभिनय करे के मौका मिलते उs अपना पिता के इच्छा के खिलाफ चल गईले अवुरी अभिनय के राह चुनले। उनकर पहिला फिलिम रहे ‘ज्वार भाटा’. फिल्म निर्माता उनुकर नाम दिलीप कुमार रखले, जवन बाद में उनुकर पहचान बन गईल।

फिलिमन में आवते सफलता के झंडा फहरा दिहले
जइसहीं ऊ फिल्मन में प्रवेश कइलन तs सफलता के झंडा गाड़े लगलन. अपना करियर में ‘अंदाज','बाबुल', 'दीदार', 'देवदास', 'मधुमति', 'मुगल-ए-आजम', 'नया दौर', 'राम और श्याम’ आ ' गंगा जमुना' एकरा अलावे उs कईगो फिल्म में शानदार अभिनय कईले रहले। अपना करियर के शुरुआती दौर में ऊ अइसन फिलिम दिहलन जवन उनका के अपना करियर के ऊंचाई पs ले गइल. बाकिर सब कुछ ठीक से चलत रहे, बाकिर तब का भईल कि उनुका के 'ट्रेजेडी किंग' कहल गईल?
दिलीप कुमार के ट्रेजेडी किंग काहे कहल जाला?
रउरा बहुते कलाकारन के कहत सुनले होखब कि ओह लोग के किरदार के असर ओह लोग पs पड़ल. दिलीप कुमार के साथे भी कुछ अइसने भइल। 50 के दशक के बात रहे आ एह अभिनेता के स्टारडम चरम पs रहे. दरअसल 50 के दशक में दिलीप कुमार जवना फिलिम में काम कइले रहले ओहमें ऊ गंभीर किरदार निभवले रहले जवना के चलते उनुकर नाम ट्रेजेडी किंग राखल गइल. दिलीप कुमार के बहुत ऊँचाई पs ले जाए वाली फिलिमन के चलते ऊ बहुते दिन ले डिप्रेशन में रहलन.

इहो पढ़ीं : सबेरे-सबेरे: रोजे 5 मिनट ले करीं 4 गो योगासन, आंख के पफीनेस होई दूर