ग्रेटर नोएडा में कुकुर के पीट-पीट के हत्या, बोरा में बंद कs के नाला में फेंकलस शव
उत्तर प्रदेश के ग्रेटर नोएडा के सेक्टर ओमीक्रॉन-1 में स्थित गौर अतुल्यम सोसाइटी में एगो कुत्ता के कथित तौर पs पीट-पीट के हत्या कs दिहल गईल। खबर के मुताबिक थाना में एगो महिला के ओर से दर्ज शिकायत में कहल गईल कि, कुछ सुरक्षाकर्मी अवुरी निवासी के ओर से एगो कुकुर के कथित तौर पs पीट-पीट के हत्या कs देले। एकरा बारे में जानकारी देत पुलिस कहलस कि बियफ़ें के रात में भईल एs घटना के सिलसिला में मामला दर्ज हो गईल बा। महिला के शिकायत के मुताबिक आरोपी कुत्ता के बोरा में बंद कs के नाली में फेंक देले रहले।
बहुत देर ले कुकुर के पीटत रह गइल
दादरी थाना प्रभारी सुजीत उपाध्याय बतवले ओमीक्रॉन-2 निवासी अवुरी पशु कल्याण संरक्षण गृह चलावे वाली कावेरी राणा नाम के महिला एs मामला में थाना में शिकायत दर्ज करवली, जवना के बाद मामला दर्ज भईल बा। राणा के शिकायत के मुताबिक उनुका जानकारी मिलल कि गौर अथुल्याम सोसाइटी के अपार्टमेंट ओनर्स एसोसिएशन के अधिकारी अवुरी सुरक्षाकर्मी एगो कुत्ता के बहुत देर ले पीटले, जवना के बाद ओकर मउत हो गईल। उs बतवले कि इs घटना बुध के रात के भईल।
नाली से शव निकालल गईल
स्टेशन प्रभारी बतवले कि राणा के शिकायत के मुताबिक आरोपी कुत्ता के हत्या के बाद ओकरा के बोरा में बंद कs के नाली में फेंक देले। राणा के मुताबिक उs अपना टीम के मौका पs भेज के कुत्ता के लाश नाली से निकालवा देले। अधिकारी बतवले कि शिकायतकर्ता एs मामला में सुरक्षाकर्मी के खिलाफ प्राथमिकी दर्ज करवले बा। उs बतवले कि शिकायतकर्ता आरोप लगवले बा कि गौतम बुद्धनगर जिला के पशु स्वास्थ्य विभाग आवारा कुकुरन के नसबंदी आ टीकाकरण नइखे करावत. ओह लोग के आरोप बा कि स्वास्थ्य विभाग आम जनता के शिकायत के अनदेखी कs रहल बा, जवना के चलते पशु क्रूरता के घटना बढ़ रहल बा।