Bangladesh vs Pakistan: राजनीतिक अस्थिरता के बीच बांग्लादेश के पाकिस्तान दौरा पs संशय, जानीं पूरा ममिला
बांग्लादेश के सीनियर पुरुष टीम के पाकिस्तान के खिलाफ 21 अगस्त से रावलपिंडी में सुरू होखे वाला दु टेस्ट मैचन के श्रृंखला पs संदेह के बादल छाइल बा। काहेकि बांग्लादेश में मवजूदा नागरिक अशांति के कारण पूर्व प्रधानमंत्री शेख हसीना के इस्तीफा देवे आ देस छोड़े खातिर बाध्य होखे के पड़ल बा।
बांग्लादेश के सीनियर टीम के रावलपिंडी (21-25 अगस्त) आ कराची (30 अगस्त-3 सितंबर) में दुगो टेस्ट खेले के बा, बाकिर मवजूदा परिदृश्य में राष्ट्रीय टीम खातिर यात्रा कइल मुश्किल हो सकत बा। इहां तक कि बांग्लादेश ‘ए’ टीम के पाकिस्तान दौरा संदिग्ध बा। पूर्व टेस्ट कप्तान मोमिनुल हक के पाकिस्तान शाहीन (ए) के खिलाफ होखे वाली श्रृंखला में बांग्लादेश ‘ए’ खातिर खेले के बा।
घटनाक्रम के जानकारी रखे वाला पाकिस्तान क्रिकेट बोर्ड (पीसीबी) के एगो सूत्र बतवलस कि पीसीबी बांग्लादेश क्रिकेट बोर्ड (बीसीबी) के ई प्रस्ताव देले बा कि ओकरा टेस्ट टीम के जल्द से जल्द रावलपिंडी ले आवल जाई, जवना से सीरीज के आयोजन सुनिश्चित होखे। सूत्र कहल लो, ‘‘पीसीबी ओकरा खिलाड़ियन के अतिरिक्त दिनन खातिर मेजबानी करे आ टेस्ट मैचन से पहिले रावलपिंडी में उनका सब प्रशिक्षण सुविधा प्रदान करे के पेशकश कइले बाड़ें कि ऊ अभी ले कवनो जवाब नइखे दिहल गइल बा।
