झारखंड बीजेपी के कार्यकारी अध्यक्ष बनावल गइले डॉ. रविंद्र कुमार राय

भारतीय जनता पार्टी डा. रविन्द्र कुमार राय के झारखंड भाजपा के कार्यरत अध्यक्ष बना दिहले बिया. डा. राय झारखंड के कोडरमा से भाजपा सांसद भी रहल बाड़े। बता दीं कि कुछ दिन पहिले डा. राय के झारखंड मुक्ति मोर्चा में शामिल होखे के अफवाह रहे। हालांकि उs एs खबर के भी खंडन कईले। डॉ. राय फिलहाल हुडको के निदेशक बाड़े। एकरा से पहिले उs झारखंड भाजपा के अध्यक्ष भी रहल बाड़े।

रविन्द्र कुमार राय के हवें?

रविंद्र कुमार राय के झारखंड भाजपा के मजबूत नेता मानल जाला। उs झारखंड से राज्य सरकार में विधायक, सांसद अवुरी मंत्री भी रहल बाड़े। बतावल जाता कि उनुका के झारखंड भाजपा के कार्यरत अध्यक्ष बना के पार्टी के हाईकमांड उनुका समर्थक कार्यकर्ता अवुरी मतदाता के संगे संगठन के पुरान दिग्गज नेता के राजनीतिक संदेश देवे के कोशिश कईले बिया। विधानसभा चुनाव के एs महत्वपूर्ण समय में उनुका के कार्यरत अध्यक्ष के रूप में नियुक्त कs के भाजपा हाईकमान राज्य संगठन के रोजमर्रा के कामकाज में सुधार ले आवे के कोशिश कईले बिया। काहे कि झारखंड के वर्तमान प्रदेश अध्यक्ष बाबूलाल मरांडी खुद राज्य के धनवर विधानसभा सीट से चुनाव लड़त बाड़े। झारखंड में विधानसभा चुनाव दू चरण में होखे वाला बा. पहिला चरण के तहत 13 नवंबर के राज्य के 43 विधानसभा सीट पs मतदान होई अवुरी दूसरा चरण के तहत 20 नवंबर के 38 विधानसभा सीट पs मतदान होई। वोट के गिनती 23 नवंबर के होई।