For the best experience, open
https://m.khabarbhojpuri.com
on your mobile browser.
Advertisement

छपरा में दुर्गा पूजा के लेके ड्रोन से होई निगरानी, लहेरियाकट बाइकर्स पऽ होई कार्रवाई

07:18 PM Oct 07, 2024 IST | Sonu Kishor
छपरा में दुर्गा पूजा के लेके ड्रोन से होई निगरानी  लहेरियाकट बाइकर्स पऽ होई कार्रवाई
प्रस्तुती खातिर तस्वीर
Advertisement

छपरा। दुर्गा पूजा के अवसर पऽ आज जिला मजिस्ट्रेट अमन समीर आ पुलिस अधीक्षक कुमार आशीष रावण के मूर्ति दहन आ भारत मिलाप कार्यक्रम के दौरान कानून व्यवस्था के कायम राखे आ भीड़ प्रबंधन के संबंध में सभे संबंधित आयोजक, शांति समिति के सदस्य आ अधिकारी लोग के साथे बइठक कइले। बइठक में मौजूद सभ सदस्यन से एक-एक करके आयोजन से संबंधित विस्तृत जानकारी लिहल गइल आ महत्वपूर्ण सुझाव लिहल गइल। सदस्यन से क्षतिग्रस्त स्ट्रीट लाइट, पानी के कटाई आदि के मरम्मत करावे के कहल गइल।

Advertisement

सारण में 32 जगहा पऽ रावण दहन

सारण जिला में 32 जगहा रावण दहन आ 62 जगहा सांस्कृतिक कार्यक्रम के बारे में जानकारी मिलल बा। बतावल गइल कि नगर निगम क्षेत्र के स्ट्रीट लाइट के मरम्मत नगर निगम के ओर से कइल जाता। सड़क के मरम्मतो हो रहल बा। सफाई खातिर कार्रवाई हो रहल बा। लटकत बिजली के तार के मरम्मत हो रहल बा।

पुलिस मोटरसाइकिल पऽ गश्त करी

भीड़ प्रबंधन खातिर राजेंद्र स्टेडियम, छपरा समेत अउरी जगहन पऽ दर्शकन खातिर सेक्टर में बइठे के व्यवस्था कइल जाई, जवना से कि भीड़ पऽ नियंत्रण हो सके। मोटरसाइकिल पऽ पुलिस गश्ती सब सड़क आ गली में करावल जाई। महिला पुलिस बल के सिविल ड्रेस में तैनात कइल जाई।

ड्रोन कैमरा के माध्यम से निगरानी कइल जाई

पुलिस लहरियाकट बाइक चलावे वाला आ कवनो प्रकार के गड़बड़ी पैदा करेवाला के खिलाफ बहुत कड़ाई से निपटी। संगही, ड्रोन कैमरा के माध्यम से सभ जगह प नजर राखल जाई। सोशल मीडिया पऽ चौबीस घंटा नजर राखल जा रहल बा। कवनो तरह के आपत्तिजनक संवाद फइलावे पऽ तुरते कार्रवाई कइल जाई।

Tags :
Advertisement