ग्लोबल वार्मिंग से ग्लेशियर पघिल के बन रहल बा झील , जानी प्रकृति आपदा के बरहन कारन

उतराखंड के केदारताल,भींलगना आ गौरीगंगा झील आपदा के नजर से खतरा के संकेत देतs बाड़ी सs । वैज्ञानिक एकरा के सावेदनशील कहतs बाड़े । गंगोत्री ग्लेशियर के संगे कुछ ग्लेशियर झील से आपदा के सम्भावना के अनुमान लगावल गइल हs ।

आपदा प्रबंधन सचिव डा रंजीत कुमार सिन्हा के अध्यक्षता में सोमार के देहरादून के सचिवालय में भइल बइठक में में विशेषज्ञ लोग बिंदुवार राज्य के ग्लेशियर आ झील के रिपोर्ट पेश कइलख ।

वाडिया हिमायल भू - विज्ञान संस्थान के वैज्ञानिक लोग बतवले की गंगोत्री ग्लेशियर के निगरानी चल रहल बा । आईआईआरएस के रिपोर्ट अनुसार, तापमान बढ़ला के बजह से ग्लेशियर पघिले के रफ्तार बढ़ गइल बा।