सबेरे-सबेरे: दिनभर रहे के बा एनर्जी से भरपूर तs सबेरे के नाश्ता में खाई इs चीज़, बॉडी रही पूरा दिन एक्टिव
सबेरे के नाश्ता शरीर खातिर बहुत जरूरी बा। दिन के पहिला खाना भा नाश्ता स्वस्थ होखे के चाहीं काहे कि ओह घरी हमनी के पेट खाली रहेला. सबेरे उठला के बाद सबसे पहिले पानी भरपूर पीये के चाही। हमनी के सबेरे जवन भी खाईं जा उs पोषण से भरल होखे के चाही। दिन के सुरुआत कुछ भारी खाए के बजाय हल्का खाना से करे के चाही। अगर आप सबेरे उठला के बाद एs खाद्य पदार्थ के अपना आहार में शामिल करीं तs आप दिन भर स्वस्थ अवुरी ऊर्जा से भरल रहब।
बादाम खाईं : सबेरे-सबेरे भिगोवल बादाम खईला से स्वास्थ्य खातीर बहुत फायदेमंद होखेला। बादाम के रात भर भिगोवे से एकर पोषण अवुरी बढ़ जाला। सबेरे-सबेरे बादाम खइला से भी भूख कम हो जाला।
खजूर खाईं : अगर रउआ दिन के सुरुआत ऊर्जा से करे के बा तs खजूर के अपना आहार में शामिल करीं खजूर में बहुत पोषक तत्व होखेला अवुरी एकरा से बहुत बेमारी भी ठीक होखेला। खजूर में भरपूर मात्रा में फाइबर होखेला जवन कि पाचन तंत्र के मजबूत करेला एकरा अलावे खजूर में कब्ज अवुरी अपच के समस्या भी दूर होखेला।
चिया बीज : छोट देखाई देवे वाला चिया बीज बहुत स्वस्थ होखेला। इनहन में प्रोटीन भरपूर मात्रा में होला काहें से कि एह में सभ जरूरी अमीनो एसिड होला। चिया के बीज शरीर खातिर जरूरी फैटी एसिड, मैग्नीशियम, आयरन अवुरी विटामिन बी से भरपूर होखेला। एक चम्मच चिया के बीज के रात भर पानी में भिगो के सबेरे खा लीं। एकरा के स्मूदी, ताजा फल आ नाश्ता में मिला के भी खाइल जा सके ला।
पपीता भी फायदेमंद होला: सबेरे खाली पेट पपीता खाइल बहुत बढ़िया होला। पपीता में सफाई के गुण होखेला अवुरी पेट के साफ करे में मदद करेला। पपीता त्वचा खातिर भी बहुत बढ़िया मानल जाला। पपीता खइला के बाद कम से कम एक घंटा ले कवनो चीज़ खाए से परहेज करीं। खाली पेट पपीता खइला से भी खराब कोलेस्ट्रॉल के समस्या दूर हो जाला।