Chhapra: विसर्जन में सामिल हाथी भइल बेकाबू, पटक-पटकके एगो जुवक के मरलस
सारण के एकमा में सनीचर के विसर्जन जुलूस में सामिल हाथी अचानक बेकाबू हो गइल। हाथी एगो जुवक के पटक-पटकके मार देलस। एकरा पहिले हाथी मुख्य सड़क पs जमके उत्पात मचवलस। कइयन गो पोल तुड़ देलस। दुगो कार, तीन गो बाइक के नुकसान पहुंचवलस।
लगभग एक घंटा तक हाथी के वजह से मार्केट में अफरातफरी के माहौल बनल रहल। तनिका देर बाद हाथी के महावत आ मेला में मवजूद लोगन के मदद से काबू कs लिहल गइल। एकरा बाद ओकरा के ओह बगइचा में ले आवल गइल जहां ऊ रहत रहे। ओकरा के एगो गाछ से बांध दिहल गइल।
तनिका देर बाद हाथी फेर भड़क गइल। ऊ रस्सी तुड़लस आ एगो जुवक के पटक-पटकके मार देलस। एकरा बाद हाथी उहां से भाग गइल। घटना एकमा के भुइली गांव के लगे के हs।
मृतक तारकेश्वर यादव के छोट भाई बतवलें कि 'हाथी के लेके लोग बगीचा के और गइल रहे। उहां पs ओकरा बांधे के कोसिस कइल गइल, बाकिर रस्सी के तुड़के ऊ फेर से उत्पात मचावे लागल। एह बीच उनकर बड़ भाई के पटक पटकके मार देलस।'
