यूपी के एह शहर में 27 जून के रोजगार मेला लागी, एह पोर्टल पर रजिस्ट्रेशन कराईं !

रोजगार मेला में पुखराज हेल्थ केयर प्राइवेट लिमिटेड झांसी, चेकमेट सिक्योरिटी सर्विस वगैरह कंपनियन के चयन कइल जाई।। इच्छुक अभ्यर्थी के बायो डाटा के संगे क्षेत्रीय रोजगार कार्यालय झांसी के परिसर में होखेवाला रोजगार मेला में कैरियर काउंसलिंग आ इंटरव्यू खातीर हाजिर होखे के होई।

क्षेत्रीय रोजगार कार्यालय झांसी द्वारा 27 जून 2024 के कार्यालय परिसर में नौकरी मेला आ कैरियर काउंसलिंग के आयोजन कइल जा रहल बा। कैरियर काउंसलिंग के माध्यम से रोजगार मेला में आवे वाला उम्मीदवार के मार्गदर्शन दिहल जाई आ उनका उज्जवल भविष्य के बारे में जानकारी दिहल जाई।

रोजगार मेला में पुखराज हेल्थ केयर प्राइवेट लिमिटेड झांसी, चेकमेट सिक्योरिटी सर्विस वगैरह कंपनियन के चयन कइल जाई। इच्छुक उम्मीदवारन के आपन बायो डाटा के साथे क्षेत्रीय रोजगार कार्यालय झांसी परिसर में कैरियर काउंसलिंग आ रोजगार मेला खातिर आवे वाली कंपनियन में इंटरव्यू खातिर हाजिर होखे के पड़ी । ई रोजगार मेला पूरा तरीका से निशुल्क बा। सहायक निदेशक वसीम मोहम्मद कहले कि उम्मीदवार के नियुक्ति से पहिले चाहे बाद में कवनो प्रकार के ऑनलाइन चाहे ऑफलाइन लेनदेन ना करे के चाही।

रोजगार संगम पोर्टल पर रजिस्ट्रेशन कइसे करी 

रोजगार मेला में भाग लेबे खातिर अभ्यर्थियन के पहिले रोजगार संगम पोर्टल rojgaarsangam.up.gov.in पर ऑनलाइन रजिस्ट्रेशन करावल अनिवार्य होखी । ऑनलाइन रजिस्ट्रेशन खातिर पहिले अपना ब्राउजर में rojgaarsangam.up.gov.in खोलीं, ओकरा बाद साइन अप/लॉगिन मेनू में जाके जॉब सीकर विकल्प चुनीं । जॉब सीकर विकल्प पs क्लिक कईला के बाद साइन अप पेज देखाई दिही। जरुरी सगरी जानकारी एह पन्ना पर भरे के पड़ी । रजिस्ट्रेशन करावे खातिर रउरा 2 गो विकल्प मिल जाई । पहिला कैंपस के छात्र आ दूसरा सामान्य नौकरी के तलाश करेवाला। जदी फिलहाल रउरा कवनो कैंपस, संस्थान भा विश्वविद्यालय के फाइनल ईयर के छात्र बानी तs रउरा कैंपस स्टूडेंट विकल्प चुने के पड़ी । जदी रउरा पासआउट हो गइल बानी तs रउरा जनरल जॉब सीकर विकल्प चुने के पड़ी

रिज्यूमे बनावे के सुविधा भी उपलब्ध करावल जा सकेला

एहिजा से रउरा आपन सगरी जानकारी जइसे कि निजी विवरण, स्थायी पता, शारीरिक विवरण, कैरियर प्रोफाइल, शैक्षिक योग्यता, अनुभव, भाषा आ कौशल वगैरह भरब । अनुभव भरे खातिर रउरा नया अनुभव बटन पर क्लिक करे के पड़ी । सब दस्तावेज अपलोड करे खातिर माई डॉक्यूमेंट बटन पs क्लिक कs के दस्तावेज अपलोड करीं। प्रिंट रजिस्ट्रेशन कार्ड बटन पs क्लिक कs के रउवा आपन जॉब कार्ड डाउनलोड कs सकतानी। उम्मीदवार के रोजगर संगम पोर्टल पs रिज्यूमे बनावे के सुविधा भी दिहल गइल बा।