कुपवाड़ा में सुरक्षाबलन के आतंकियन के साथे मुठभेड़, सेना के 3 गो जवान घायल 

जम्मू कश्मीर के कुपवाड़ा जिला में सुरक्षा बल आ आतंकियन के बीच मुठभेड़ चलत बा. शनिचर के सबेरे कामकारी इलाका में तलाशी अभियान के दौरान सुरक्षा बल के आतंकी से मुठभेड़ भईल, जवना के बाद दुनो ओर से गोलीबारी शुरू हो गईल। एह मुठभेड़ में सेना के तीन जवान घवाहिल हो गइलें. आठ गो पाकिस्तानी आतंकियन के छिपावे के खुफिया जानकारी मिलला के बाद सेना एह तलाशी अभियान के शुरुआत कइले रहुवे. जंगल में आतंकी भागे के संभावना बा। उनकर खोज जारी बा। आ जवानन के इलाका के ओर भेजल गइल बा.

एकरा से पहिले 24 जुलाई के कुपवाड़ा में रात भर सुरक्षा बल अवुरी आतंकी के बीच मुठभेड़ भईल रहे। एह मुठभेड़ में एगो आतंकी के मउत हो गइल आ एगो जवान घवाहिल हो गइल. घायल जवान के 25 जुलाई के अस्पताल में इलाज के दौरान मउत हो गईल रहे।