जम्मू-कश्मीर के पुलवामा में सुरू भइल एनकाउंटर, सुरक्षाबल आतंकियन के घेरले

जम्मू कश्मीर में आतंकवाद खतम करे खातिर स्थानीय पुलिस आ सुरक्षा बल के अभियान जारी बा. ताजा मामला राज्य के पुलवामा से आइल बा जहाँ एक बेर फेरू मुठभेड़ शुरू हो गइल बा. कश्मीर जोन पुलिस ट्वीट कs के कहलस कि पुलवामा जिला के निहामा इलाका में मुठभेड़ शुरू हो गईल बा। पुलिस आ सुरक्षा बल अभियान चलावत बिया. अउरी जानकारी जल्दिए दिहल जाई।

दक्षिण कश्मीर के पुलवामा जिला के निहामा इलाका में आतंकियन के मौजूदगी के बारे में इनपुट मिलला के बाद सुरक्षा बल घेराबंदी अवुरी तलाशी अभियान शुरू कईले एगो पुलिस अधिकारी जानकारी देले बाड़े। तलाशी के दौरान आतंकी सुरक्षा बल पs गोलीबारी कईले अवुरी ओकरा बाद दुनो पक्ष के बीच मुठभेड़ शुरू हो गईल। पुलिस के कहनाम बा कि दुनो ओर से गोलीबारी होखता अवुरी अबे ले दुनो ओर से कवनो प्रकार के जानमाल के कवनो खबर नईखे।

कुपवाड़ा में हथियार के भंडार बरामद

एकरा से पहिले सुरक्षा बल कुपवाड़ा में भारी मात्रा में हथियार, गोला-बारूद अवुरी युद्ध जईसन सामान बरामद कईले रहे। इs रिकवरी ऑपरेशन कोट नाला में भईल रहे। विशिष्ट इनपुट के आधार पs भारतीय सेना आ जम्मू कश्मीर पुलिस कुपवाड़ा के आवरा के घना जंगल वाला इलाका में संयुक्त तलाशी अभियान में एगो आतंकी लुकाइल जगह के भंडाफोड़ कss लिहलस आ हथियार के एगो बड़हन भंडार बरामद कइल गइल. एकरा से पहिले 6 मई के भारतीय सेना कुलगाम में 3 आतंकी के हत्या कs देले रहे।