Gorakhpur News: घर में घुसके युवती से छेड़खानी, जान से मारे के धमकी
गोरखपुर के एम्स इलाका के एगो मोहल्ला में मंगल के दिने एगो घर में घुस के छेड़छाड़ के मामिला सामने आइल बा। आरोपी अंकित ओकरा के जान से मारे के धमकी भी देले। पुलिस मामिला दर्ज करवले बिया।
जानकारी के मुताबिक पुलिस के दिहल शिकायत में लईकी के पिता लिखले बाड़े कि अंकित पछिला चार साल से ओकरी बेटी के परेशान करतारे। स्कूल जात घरी ई रास्ता रोक देला आ डेरवावेला। ओकरी बेटी के संगे छेड़छाड़ करेला। बेटी जब घर में ए बात के जानकारी दिहलस तs आरोपी के घरे शिकायत दर्ज करावल गईल।
जब आरोपी के पिता से कहल गइल तs उ मना कइले के बजाय जान से मारे के धमकी देवे लगले। 2 नवंबर के जब शिकायत दर्ज करावल गईल तs आरोपी के परिवार के लोग फेर से धमकी देले। लईकी के पिता बतवले कि 6 नवंबर के अंकित नशा में धुत्त होके घर में घुस के ओकरी बेटी के संगे छेड़छाड़ करे लगले। अगर हम मना कs देनी तs उ हमरा के भी जान से मारे के धमकी देवे लगले। पुलिस मामिला दर्ज कs के मामिला के छानबीन में जुटल बिया।