मोबाइल पs अब दिखी कॉल करें वाला के नाम, TRAI टेलीकॉम कंपनियन के दिहलस निर्देश

अगर आपके स्मार्टफोन में केहु के नंबर सेव नईखे भईल अवुरी आपके कवनो अनजान नंबर से फोन आईल तs सबसे पहिले आपके दिमाग में सवाल आवेला कि फोन करेवाला के हो सकता। अगर रउरा साथे अक्सर अइसन होला तs चिंता करे के जरूरत नइखे, काहे कि भारतीय दूरसंचार नियामक प्राधिकरण (TRAI) देश भर के दूरसंचार कंपनी के कॉलिंग नाम प्रेजेंटेशन लागू करे के आदेश दिहले बा, जवना के बाद अगर कवनो अनजान आदमी रउरा फोन पs फोन करेला तs ओकर नाम आपके फोन के स्क्रीन पs देखाई दिही।

स्मार्टफोन यूजर आपन फोन पs अनजान कॉल के जानकारी लेवे खातीर थर्ड पार्टी ऐप के इस्तेमाल करेले, जवना में बहुत यूजर ट्रू कॉलर के इस्तेमाल करेले। थर्ड पार्टी ऐप इंस्टॉलेशन के समय बहुत अनुमति मांगेला ताकि उs आपन फीचर दिहल जा सके, जवना में कॉन्टैक्ट डिटेल, फोन गैलरी, स्पीकर, कैमरा अवुरी कॉल हिस्ट्री के बारे में जानकारी शामिल बा। अगर रउआ एह सब के अनुमति ना देब तs इs थर्ड पार्टी ऐप काम ना करी अवुरी जदी अनुमति देब तs आपके निजी जानकारी लीक होखे के डर बा।

कॉलिंग नेम प्रेजेंटेशन के ट्रायल सुरू

ट्राई देश भर के सभ दूरसंचार कंपनी के कॉलिंग नेम प्रेजेंटेशन फीचर के लागू करे के निर्देश देले बिया। जवना के बाद देश में मौजूद मोबाइल सेवा देवे वाली कंपनी आपन परीक्षण सुरू कs देले बिया। ट्राई के मुताबिक, जदी इs ट्रायल सफल हो गईल तs कॉलिंग नेम प्रेजेंटेशन फीचर के देश भर में लागू कईल जाई। जवना के बाद अनजान नंबर के जानकारी लेवे खातीर आपके कवनो थर्ड पार्टी ऐप के जरूरत ना पड़ी।

देश के एह राज्य में भइल ट्रायल 

ट्राई कॉलिंग नेम प्रेजेंटेशन फीचर के परीक्षण करे खातिर देश के सबसे छोट सर्कल चुनले बा। एकरा बाद मोबाइल सेवा देवे वाली कंपनी हरियाणा में कॉलिंग नेम प्रेजेंटेशन फीचर के परीक्षण शुरू करे वाली बा। जानकारी के मुताबिक ट्राई के निर्देश के पालन करत हरियाणा में एs महीना से कॉलिंग नेम प्रेजेंटेशन फीचर के परीक्षण शुरू हो जाई।