निर्मला सीतारमण पऽ कोर्ट के आदेश के बाद एफ़आईआर दर्ज

बेंगलुरु में निर्वाचित प्रतिनिधियन खातिर नामित मजिस्ट्रेट कोर्ट के आदेश का बाद वित्त मंत्री निर्मला सीतारमण आ प्रवर्तन निदेशालय के खिलाफ चुनावी बांड के मुद्दा पर रंगदारी आ आपराधिक साजिश के मामिला दर्ज करावल गइल बा।

आदर्श अय्यर के याचिका पs कोर्ट इ फैसला देले रहे। आदर्श जनअधिकार संघर्ष परिषद (जेएसपी) के सह-अध्यक्ष हउवें। उ मार्च में स्थानीय पुलिस के एगो शिकायत देले रहले, जवना पs कवनो कार्रवाई ना भइल।

कोर्ट के आदेश के ठीक अगिला दिन यानी शनिचर के दुपहरिया करीब 3 बजे प्राथमिकी दर्ज भइल। जेएसपी एगो अइसन संगठन हऽ जवन शिक्षा के अधिकार कानून आ अउरी मुद्दा से जुड़ल समस्या उठावत रहल बा।

एह मामिला में भाजपा के राष्ट्रीय अध्यक्ष जेपी नड्डा आ कर्नाटक भाजपा अध्यक्ष बीवाई विजेंद्र के आरोपी बनावल गइल बा।