पहिलकी मिस वर्ल्ड किकी हकेन्सन के निधन, 73 साल पहिले इनकरी सर पे सजल रहे ताज

पहिलकी मिस वर्ल्ड किकी हकेन्सन के निधन हो गइल बा. किकी के उमिर 95 साल रहे। सोमार 4 नवंबर के कैलिफोर्निया में अपना घर पs नींद में उनुकर मउत हो गइल. उनुकर परिवार एह बात के पुष्टि कईले कि उनुकर "शांति, आराम अवुरी बढ़िया से देखभाल" कईल जात रहे। ई घोषणा मिस वर्ल्ड के आधिकारिक इंस्टाग्राम अकाउंट के माध्यम से कइल गइल बा। स्वीडन में जनमल किकी हकेन्सन 1951 में इतिहास रचली जब लंदन में आयोजित मिस वर्ल्ड प्रतियोगिता में उनुका के मिस वर्ल्ड के ताज पहनावल गइल.

29 जुलाई 1951 के लिसेयुम बॉलरूम में आयोजित एह प्रतियोगिता के सुरुआत में फेस्टिवल ऑफ ब्रिटेन से जुड़ल एक बेर के आयोजन के रूप में परिकल्पना कइल गइल। हालांकि ई प्रतियोगिता एगो वैश्विक संस्था बन गइल आ किकी के जीत से मिस वर्ल्ड विरासत के शुरुआत भइल. सोशल मीडिया पs साझा कइल गइल भावुक श्रद्धांजलि में मिस वर्ल्ड प्रतियोगिता के आधिकारिक पेज उनुका निधन पs गहिराह दुख जतवलस. आधिकारिक पोस्ट में कहल गईल कि, "हम किकी के परिवार के सभ सदस्य के प्रति गहरा संवेदना व्यक्त करतानी। हम एs कठिन समय में आपन प्यार अवुरी दुआ भेजतानी।"

किकी हकेन्सन के निधन से मिस वर्ल्ड प्रतियोगिता खातिर एगो दौर के अंत हो गइल बा बाकिर पहिला विजेता के रूप में उनुकर विरासत आवे वाली पीढ़ियन ले जिंदा रही. लीड के रूप में उ ना खाली उनुका बाद कई गो ब्यूटी क्वीन के मंच तैयार कइली.